Home Ciencia y Tecnologia Compania local awor a traha software pa compania di Haiti tambe

Compania local awor a traha software pa compania di Haiti tambe

13
0
SHARE
- Advertisement -

ORANJESTAD (AAN): E compania VCC International, e distribuidor principal di paketenan di software di negoshi den Caribe Hulandes, a logra un reputacion solido di a crea solucionnan specifico di IT pa asina cumpli cu necesidad di negoshinan.

Recientemente VCC International a cumpli cu e necesidad di IT di un negoshi na Haiti, unda e miembronan Bert Vermaas y Brachelo Regina a completa un implementacion completo di M-Files, un sistema robusto di maneho di documento cu ta optimaliza eficiencia y productividad.  Cu e proyecto aki, VCC asina ta agrega un pais mas riba su lista largo di paisnan unda el a worde busca pa suministra sosten di software.

Pero ta con esaki ta socede exactamente?  Con un negoshi na un otro pais ta haya sa di e servicio di calidad di VCC International y ta pidi su experticio?  E ta hopi simple, realmente.  Un cantidad grandi  di persona constantemente ta bin islanan ABC pa traha, y hopi di nan a experiencia e servicionan excepcional di VCC y sa di e solucionnan di IT cu nan tin.  Hopi di e trahadornan aki despues ta regresa nan pais di origen, sea Caribe, Merca of Ueropa.  Ora cu nan ta tuma un rol nobo di maneho na nan pais, y cu diripiente nan mester di sosten di software, tin biahanan ta haya companianan cu no ta duna servicio profesional.  Pero ora cu nan ta corda riba e bon servicio ricibi di VCC International, nan ta pidi telefon y yama back pa yudanza.

Esaki ta e forma cu VCC International a logra di haya clientenan den un cantidad di pais (y estado), incluyendo Aruba, Bonaire, Curaçao, Trinidad & Tobago, Martinique, St. Lucia, St. Maarten, Puerto Rico, Republica Dominicana, Bahamas, Texas, Mexico, Panama, Colombia, Venezuela, Hulanda, Rusia, Anguilla, Reino Uni, Nigeria, Gabon, Kazakhstan, Suiza, Qatar, Iraq, y Mozambique.  Y awor VCC ta conta Haiti tambe acerca.

- Advertisement -

DUNA COMENTARIO

Please enter your comment!
Please enter your name here