Home Salud Compara cu otro paisnan gastonan di AZV no ta excesivamente halto

Compara cu otro paisnan gastonan di AZV no ta excesivamente halto

61
0
SHARE
- Advertisement -

Drs. Anko Ringeling:

ORANJESTAD (AAN)—“Si ta compara e gastonan den e sistema di cuido medico na Aruba cu otro paisnan, no por bisa cu e parti medico, vooral e parti curativo, cu AZV ta cubri ta hopi halto”, segun drs. Anko Ringeling, director saliente di AZV.

Den entrevista cu nos redaccion, drs. Ringeling a expresa  cu al contrario, si ta wak for di 2010 cu e aumento di e gastonan anual como indicador, por revisa e gastonan medico, cu a subi cu un averahe di 2,5% pa aña cu ta hopi modera aunke no ta normal cu e keda den aumento. Pero si ta compara cu otro paisnan cu tin aumento di alrededor di 12 of 13% di nan GDP manera Merca y Europa, entre otro, nan ta hopi mas halto.

Na Aruba tin contempla tur e medidanan den cuido medico di AZV cu alrededor di 8% di GDP y ta controla e gastonan mucho miho, anto na otro paisnan manera Colombia of Venezuela, nan ta conta e otro gastonan administrativo, y di salubridad publico pa nan por yega na nan porcentahe di GDP y esey ta wordo yama National Health Account.

Hustamente Departamento di Salubridad Publico ta bezig preparando pa Aruba haya tambe un National Health Account pa por midi cuanto ta e gasto total di GDP den cuido medico, caminda cu un 8% den total di AZV loke ta wordo considera cu no ta excesivamente halto.

Con cu wak e gastonan ta bay sigui subi siendo cu tin influencia di factornan cu ta autonomo unda cu un compania di seguro, por ehempel, no tin influencia riba e aumento di e poblacion, entre otro.

Den relacion cu e introduccion di cierto servicionan nobo cu por haci na Aruba y no mester biaha pa exterior, manera e cateterizacion cardiaco, cu por influencia pa AZV baha gasto, siendo cu e saldo na prome instante no ta baha pasobra ora ta set up esaki ta sali mas caro, cu si ta manda un pacient na un pais grandi cu ta haci pa añanan largo e tipo di procedure asina, e ora nan gasto pa pacient ta mas abou.

Ta spera si pa finalmente por logra pacientnan di otro paisnan manera esnan di Reino, St. Maarten, Bonaire pero hasta di otro paisnan tambe, bin Aruba. Ta trahando riba esaki conhuntamente cu hospital pa por haci e procedure aki na Aruba, como tambe na ImSan. A lo largo sigur e gastonan den cuido ta bay cuminza baha, segun Sr. Anko Ringeling, director saliente di AZV.

 

- Advertisement -

DUNA COMENTARIO

Please enter your comment!
Please enter your name here