Home Actividad Especial Corda cu awe y mañan tin training riba tera y riba lama

Corda cu awe y mañan tin training riba tera y riba lama

140
0
SHARE
- Advertisement -

ORANJESTAD   (AAN):  Bureau Rampenbestrijding Aruba kier a pone e publico na altura cu awe diaranson 20 y diahuebs 21 di juni 2018 ta tuma luga un training multidisciplinario na diferente localidad na Aruba. Pa 36 ora largo lo ta bay tin diferente scenario sea riba tera of riba lama.

Den e 36 oranan aki  e acceso pa trafico lo por tin chance di wordo stroba pa algun minuut. Hurex 2018 Aruba ta un training cu lo ta tumando luga entre diferente organisacion, dienst y instancianan di Aruba.

 

Cooperacion

Ta pidi e cooperacion di e publico y comerciantenan pa 36 ora di training aki. Durante e 36 ora ey e acceso lo por wordo dificulta riba diferente localidad, esta e careteranan di Aruba. Tambe lo tin aglomeracion di grupo di personanan cu lo ta forma parti di e training aki.

E acceso na e casnan, negoshinan den algun caya lo no ta bay ta facil manera custumber. Pa e motibo aki haci e peticion pa duna e cooperacion necesario pa asina e training aki por wordo realisa sin ningun contra tiempo.  Alabes ta informa cu cada un di e scenarionan aki lo tuma algun minuut pa algun ora di duracion pa esaki wordo ehecuta segun e plan di cada un di e participantenan.

 

Keda informa; ki ora ta cuminsa, su desaroyo y tambe e final di e training

Tur persona cu tin e app riba na telefon di ALERT FM lo ricibi informacion regardando e training. Lo ricibi un mensahe ora e training cuminsa. Durante e 36 ora di e training mes lo ricibi mensahenan con e training ta desaroyando y na final lo ricibi un mensahe caminda cu ta informa cu e training a termina.

Esunnan cu no tin e app riba na telefon ainda nan por download esaki, ora di download e app y ta yega na e parti cu e ta pidi e code, bo tin cu yena 99888 (pa Aruba).

Por haya tur e instruccionnan tocante e app aki riba e facebook di Bureau Rampenbestrijding Aruba.

- Advertisement -

DUNA COMENTARIO

Please enter your comment!
Please enter your name here