Home Gobierno Cu cambio di ley Departamento di Impuesto por duna multa na esnan...

Cu cambio di ley Departamento di Impuesto por duna multa na esnan cu no paga number di vehiculo

258
0
SHARE
- Advertisement -

ORANJESTAD(AAN): Tur hende sa, cu ta hopi chauffeur ta core rond cu number di auto cu no a wordo paga.  Pero un cambio di ley recien introduci lo por bay pone e doñonan di auto bay paga rapido.

Antes Belastingdienst no tabata tin e autoridad pa duna un boet y no pa saca ningun cobransa, si e belasting no ta paga. Tur e control y e beboeting tabata den man di polis.

Na 2017 a cambia e ley di impuesto di vehiculo di motor, caminda cu departamento di impuesto ta haya e potestad si un hende no paga su impuesto di vehiculo di motor, por saca un naheffingsnaslag y por saca un boet pa esnan cu no a paga. Esey ta nifica cu polis por haci su control naturalmente, pero belastingdienst tin e potestad pa bay saca cobransa y lo bay haci’e pa 2018, pa esnan cu no paga nan impuesto. E pagamento di impuesto no ta bay ripare mas riba e plachi di number, pero ta bay haya un cobransa. Si no paga, ta haya e cobransa. No ta soluciona e problema cu tin un auto e ora ta core sin seguro.

Mester bin un solucion pa e parti di seguro tambe worde cubri, den full e proceso aki. Si tin un plachi di number cu ta vast pa cinco aña largo, ta un solo color tin, e sticker ta bay verval, pasobra no tin mester di controle sticker mas. Belasting dienst ta haci control den su sistema. Ta saca un cobransa adicional si e cliente no paga. Pero ainda ta keda falta e parti di seguro. Con ta bay atende cu un hende cu ta core riba careteranan di Aruba cu un auto cu su seguro mester ta paga y su impuesto mester ta paga.

Lo tin cu conecta e data y tin un grupo di trabao ta bezig cu esaki, pa por wak con ta conecta e data y con por facilita e trabao di un polis ora ta trata, si ta un accidente di auto, atraco of un normale controle, ora ta haci esaki, pa nan por tin e informacion realtime, caminda nan por sa si e seguro ta paga y impuesto ta paga. Si e impuesto no ta paga of seguro no ta paga, nan por haya un boet y di parti di departamento di impuesto, si e impuesto no ta paga, nan lo saca un cobransa adicional.

Pieters a sigui splica cu nan a brainstorm diferente biaha riba un idea. Naturalmente esaki ta costa cen. Nan tabata wardando riba e presupuesto pa mira kico tin disponbel. Y ta un cuestion di traha of bay den destaho publico saca e rekisitonan caminda un plachi di number asina aki mester cumpli cun’e, pa asina ey por cuminsa. Pieters no ta kere cu lo keda cla cu full e proceso aki pa December pa otorga e plachi di numbernan nobo. E proceso ta tuma su tempo pa ora e plachinan bin, pa por cuminsa prepara pa distribui.

Tin cu corda cu tin mas of menos 74 mil plachi den circulacion den su totalidad, for di A-nummber te cu T-O. Una bes cu e plachinan yega, lo bay structura con ta bay otorga e plachinan aki den grupo, esta bunch. Lo bay traha cu nummer di tanto pa tanto, hendenan por bin pasa busca nan plachinan, etc. pa asina ey por suministra tur hende cu nan plachi di number nobo den aña 2019.

- Advertisement -

DUNA COMENTARIO

Please enter your comment!
Please enter your name here