Home Policial Cuerpo Policial cu charla riba Prevencion di Crimen den Bario

Cuerpo Policial cu charla riba Prevencion di Crimen den Bario

22
0
SHARE
- Advertisement -

ORANJESTAD  (AAN): Bureau MFA, hunto cu Cuerpo Policial, ta organisando tres anochi informativo, cu tin como tema Prevencion di Crimen den bo Bario. Ta un sistema caminda cu polis ta bin duna un charla, cu cifranan al dia, na e habitantenan di e bario, dunando hopi tips con pa evita esaki. Noord ya caba a ricibi su turno dia 6 di Juni ultimo. Otro siman, dia 13 di Juni e lo ta na MFA Paradera y despues lo sigui pa MFA Savaneta dia 20 di Juni. Orario lo ta di 7.00 pm pa 8.00 pm. Entrada ta completamente gratis.

Cuerpo Policial ta dunando e informacionnan valido. Nan a haci varios investigacion y ta bin cu cifranan concreto. Hopi biaha ta papia riba crimen, pero tambe ta bay tras di e nieuws van horen/zegen. KPA a splica con nan ta bezig ta update nan sistemanan, caminda cu nan por duna cifra real di loke ta pasando. E ta un topico cu ta concerni nos tur. Nos tur ta biba den un bario y kier toch un gevoe safe na bo cas. Un anochi informativo manera esaki ta yuda cu extra informacion pa bo ta miho prepara pa asina evita algo malo pasa bo.

Vocero di polis, Lito Lacle, a comenta riba e charla cu nan a tene diahuebs ultimo, unda cu nan a duna tipnan importante cu bo tin cu tene cuenta cun’e. Cosnan cu por reconoce y preveni cu un ladronicia tuma luga den bo cas.

E meta ta cu durante di e simannan aki yega mas hopi na e publico posibel. Pesey ta importante pa bishita. Aki ta haya tipsnan importante cu bo por uza den bo cas. Pesey ta invita un y tur pa bin MFA Paradera y despues MFA Savaneta, pa asina haya tipsnan importante pa bo por uza den bo cas.

 

- Advertisement -

DUNA COMENTARIO

Please enter your comment!
Please enter your name here