Home Social Cuido di criansa tey pa brinda ayudo ora cu tin mester

Cuido di criansa tey pa brinda ayudo ora cu tin mester

31
0
SHARE
- Advertisement -

Nathalie Tromp:

ORANJESTAD   (AAN): Centro di Famia di Criansa di Arubano, diadomingo cu a pasa, dia 3 di Juni, a cumpli 14 aña di existencia, segun Nathalie Tromp, trahado social di Centro Famia di Criansa Aruba. Nan ta un fundacion cu a wordo lanta pa asina eynan por a brinda e muchanan cu tin mester famia di criansa necesario y tambe brinda un bon calidad di guia na e famianan di criansa cu ta yuda e muchanan, pa asina nan por sigui yuda e muchanan, tanten cu e muchanan mester.

Cuido di criansa ta un ayudo cu ta eigenlijk temporal. Instancianan manera Fundacion Guiami, Voogdijraad, ta traha cu e mayor biologico, pa asina e mayor mehora su situacion, pasobr e muchanan ta wordo saca for di cas, pa motibonan di negligencia, abuso y maltrato. Mientras cu e mayor ta traha riba su situacion, ta busca e ora eynan famia di criansa cu por brinda e muchanan e ora e stabilidad, e cariño, e atencion individual cu nan tin mester.

Segun Tromp, cuido di criansa ta conoci na Aruba desde comienso. No ta un ayudo cu ta existi no solamente na Aruba, sino tur parti di mundo y ta asina eynan cu Centro Famia di Criansa, a wordo lanta pa asina eynan e famia, instancianan, por tin un caminda na unda cu nan por acudi pa asina eynan haya e ayudo cu nan tin mester. Instancianan ta acudi cerca e centro pa nan haya famia di criansa y famianan di criansa ta acudi cerca nan pa asina nan por yuda un mucha of haya ayudo na esnan cu ya caba ta brinda mucha ayudo.

 

- Advertisement -

DUNA COMENTARIO

Please enter your comment!
Please enter your name here