Home Policial Dakota y Tarabana disgusta cu auto y brommernan cu ta revv y...

Dakota y Tarabana disgusta cu auto y brommernan cu ta revv y drift

127
0
SHARE
- Advertisement -

Nan ta pidi auxilio di Gobierno

ORANJESTAD(AAN): Ta tur rond di Aruba, tin hende disgusta cu hopi chauffeur cu ta gusta revv e motor di nan autonan, of ta drift sea rond di rotonde, of den cayanan habita.  Tin biaha hasta riba parkinglot di negoshi.

Habitantenan di Dakota y Tarabana ta pidiendo auxilio na Minister di Husticia, Minister di Infrastructura y Alto Comisario pa e situacion cu nan ta pasa tur dia aden.

E habitantenan ta cansa, harta y fada cu tur dia nan ta teme pa nan bida y ta stroba nan trankilidad pa e tantisimo desordo cu tin di auto y brommernan cu ta hunga dragrace den e cayanan di Makapruimstraat, Pindastraat, Mandolinstraat y Macubaristraat.

Habitantenan ya caba a pidi yudansa cerca e ministernan actual, pero te cu dia di awe, no a mira ningun cambio den e barionan. “Tur dia ta mesun cos. Nos ta fada di e problema aki. Te ki dia lo bin un solucion?” ta expresion cu e habitantenan tin. Tur dia por mira rastronan di taira riba caminda y anochi mester soporta e molester di huma y desordo cu e vehiculonan aki ta causa.

Habitantenan un biaha mas, ta pidi pa auxilio ta spera cu pronto algo por worde haci pa caab cu e molesternan aki.

 

- Advertisement -

DUNA COMENTARIO

Please enter your comment!
Please enter your name here