Home Turismo Delta Air Lines ta lansa buelo non-stop nobo pa Aruba

Delta Air Lines ta lansa buelo non-stop nobo pa Aruba

28
0
SHARE
- Advertisement -

ORANJESTAD (AAN): Aruba Airport Authority N.V. (AAA) anciosamente ta spera e yegada di Delta su buelo semanal nobo for di Boston pa Aruba cuminsando for di awe. Delta lo brinda e servicio nobo aki te cu Augustus 18, 2018 y lo sigui ofrece e servicio aki cuminsando for di November 2018 te cu Maart 2019.

E buelo semanal BOS-AUA lo worde opera cu un avion 737-900  cu lo ateriza pa 2:05 pm na Aruba y tin e capacidad pa acomoda 180 pasahero. Cu e buelo aki, Delta lo opera e di tres buelo non-stop como cu e aerolinea ya ta opera for di JFK-New York y for di ATL, Atlanta.

Delta recientemente a haci diferente inversion pa asina e aerolinea awor por tin 113 buelo cu ta sali den e oranan mas ocupa durante e temporada di vakantie cu ta un crecemento di 20 buelo cu ta sali compara cu aña 2017.

Delta Airlines a transporta un total di 130,593 pasahero, cu ta un crecemento adicional di 7,709 pasahero y tabata na di cuater lugar cu un market share di 11% na Merca pa aña 2017. Delta Air Lines ta brinda mas cu 180 miyon pasahero pa aña y a worde nombra como Fortune’s su top 50 Compania Mas Admira den 2018 banda di ya a ser nombra e aerolinea mas admira pa 7 biaha den 8 aña.

Como un compania cu un network global, Delta ta ofrece su servicionan na mas cu 300 destinacion na 55 pais den 6 continente cual ta haci cu Delta ta e aerolinea cu mas buelo for New York State.

“E team di Aruba consistiendo di Aeropuerto di Aruba, Ministerio di Turismo, ATA y AHATA ta sumamente contento pa yama e buelo nobo di Delta Airlines bon bini awe. E aerolinea ta un socio fantastico desde comienso cu semper a brinda su pasaheronan cu opcionnan adicional,” asina Air Service Development Manager, Mrs. Jo-Anne Arends a expresa.

- Advertisement -

DUNA COMENTARIO

Please enter your comment!
Please enter your name here