Home Policial Den Bushistraat tiro a cay y Polis a haya basta droga den...

Den Bushistraat tiro a cay y Polis a haya basta droga den cas

619
0
SHARE
- Advertisement -

ORANJESTAD(AAN): Diamars anochi Polis a worde manda basta pura den direccion di Bushistraat den area di Ponton.  Esey debi cu a drenta informacion cu tin tiramento y tin autonan cu a sali pura for di e area.

Na yegada di Polis a cuminsa tende varios version di esnan eybanda cu a pasa den un susto. Polis a drenta e cas cu a papia riba dje durante e melding. Esaki ta Bushistraat #1.

Polis a bin topa cu matanan di marihuana y basta otro tipo di droga. Mas patruya a yega na elugar y a cuminsa busca pa hulls. A sigui haya mas informacion unda a papia cu tin tres auto envolvi y aki ta trata di un Tercel Blauw scur, un Terdel Blanco y un Nissan March. Number di algun di e autonan ta conoci pa Polis.

Autoridad a cuminsa un buskeda riba caya pa e autonan. Segun testigonan, ora e Nissan March a sali for di e cura pura a tende tiro cay. Tin ta menciona un tiro y otronan ta menciona mas tiro. Mirando e cantidad di droga y tur loke tabata pasando, a bay over na avisa e departamento di Narcotica cu a manda unidadnan na e cas.

Segun fuentenan na e lugar e persona biba den e cas ta un tal D.R. cu algun luna pasa a worde gara caba ora Polis a yega den un negoshi banda di e area di Hotel y descubri bendemento di droga.

Despues e mesun persona tabata envolvi den pelea hunto cu su pareha den un fiesta na Emotions. Awor ta menciona su nomber atrobe den e caso na Bushistraat 1. E mes no a presenta na e cas y ora cu Polis a drenta no a haya ningun hende. Autoridad ta investigando e caso cu masha cautela mirando cu tin arma di candela envolvi.

- Advertisement -

DUNA COMENTARIO

Please enter your comment!
Please enter your name here