Home General Den e temporada di World Cup hunga y gana cu Garage Centraal...

Den e temporada di World Cup hunga y gana cu Garage Centraal Aruba

9
0
SHARE
- Advertisement -

ORANJESTAD (AAN)– – Durante temporada di e FIFA World Cup Russia 2018,m Garage Centraal Aruba ta ofrece e oportunidad pa “join” e diversion den e temporada aki, y lo reparti un cantidad di Adidas Telstar Game Ball Replicas, cual Garage Centraal Aruba a logra  haya danki na e hecho cu Hyundai ta un di e sponsornan oficial di e torneo aki.

E balanan lo wordo distribui pa esnan cu gana un variacion di weganan cu lo tuma lugar riba e plataformanan digital di Garage Centraal Aruba.

E punto central di e weganan ta riba e website mes di Garage Centraal. Akinan lo haya un bista riba e opcionnan disponibel pa yega na un di e balanan aki. Entre otro, quiznan y preguntanan cual lo ser poni riba e facebook page di Garage Centraal Aruba. Pa cada un di e quiznan of preguntanan aki lo tin un bala cu lo ser duna na un di esnan cu contesta e pregunta di manera corecto.

Ademas di esey Garage Centraal lo “challenge” un y tur pa pone nan prediccion di con e resultadonan di e weganan durante e prome fase di e torneo lo bai ta den e website di FIFA. Esaki ta un wega unda un y tur por drenta, sponsored door di Hyundai. Entre esnan cu acepta e challenge di Garage Centraal Aruba e 5 personanan cu ta mas cerca di e resultadonan corecto lo haya un bala.

Y fuera di esey tin un quiz especial pa mobile phones, cual lo tin preguntanan relata cu futbol, Garage Centraal y su autonan. Interesante ta cu esnan cu hunga por “challenge” su amistadnan, pa wak ken por logra e cantidad mas halto di puntonan.

Tur esaki ta bai agrega na e balanan cu lo ser duna na tur esnan cu cumpra un auto na Garage Centraal Aruba durante e luna di juni cu juli. Asina Garage Centraal Aruba ta busca cu un y tur forma parti di e temporada aki di World Cup.

 

- Advertisement -

DUNA COMENTARIO

Please enter your comment!
Please enter your name here