Home Comercio Den prome 5 luna ya caba 11 negoshi a cera na Playa

Den prome 5 luna ya caba 11 negoshi a cera na Playa

636
0
SHARE
- Advertisement -

ORANJESTAD (AAN): E informe recien cu Aruba a perde su pacus preferi di “Wulfsen & Wulfsen” despues di asina hopi aña, a trece tiki tristeza.  Pero alavez e ta demostra cu negoshinan di benta ta pasando momentonan duro riba e isla.

Camara di Comercio tambe ta hopi preocupa, si mira e cifranan si wak e sorto di companianan y di e grandinan cu ta confrontando problema.

Aworaki den Playa, tin 361 compania registra.  Nan ta reparti den Havenstraat, Hendrikstraat, Caya Betico Croes, etc.

Directora Di Camara di Comercio Señora Sonja Velthuizen a splica cu durante aña 2017, na Aruba un total di 19 compania a cera, mayoria ta tiende di paña y zapato.

Aworaki na 2018 te cu luna di Mei, ya 11 otro tienda a cera caba. Mayoria di tiendanan aki tabata dedica na benta di paña, zapato y pedicure.

Haciendo un analisis, e momento aki den Caya Grandi tin 44 luga habri/bashi. A saca hopi potret, unda cu por ripara cu tur cos ta pa huur of for sale.  E tristo realidad ta cu consumidornan no ta bishita caya mas.

DIARIO a hasta publica, cu desde cu Caya Grandi a wordo remodela, tin hopi hende riba e isla cu ni a pone un pia, ni core den e tram ainda di Caya Betico Croes.

Gobierno a bin cu un plataforma di sector priva y publico cu ta yama Area pa purba lanta comercio via esaki y trece solucion pa yuda caya grandi. Pero Camara di Comercio a presenta hopi idea caba den pasado, traha daknan di solarpanel pa duna mas sombra, trece entertainment, musica, restaurant etc. Tin hopi idea caba, pero awor ya e ta tempo pa tuma accion.

Tambe e prijs di huur y e horarionan por bin cu un miho maneho, pa traha te cu 7 or of 8 or. Hende no ta bay cumpra cos den caya pa 8 or di mainta. Cambia e horario y habri caya p.e., trece bida back den caya. Por ta si wak e tiendanan anochi, esaki por trece mas bida. Nan ta wak e vitrinanan, wak kico nan por cumpra. Esey ta trece full un otro ambiente.

Camara di Comercio a skirbi nan pensamentonan riba esaki y a entrega na tur minister. Nan ta participa den plataforma di area. Tin solucion pa caya grandi, pero solucion pero mester ta lihe y no por keda warda mas.

Tambe ta hopi importante pa haya inversionistanan nobo of institucionnan financiero pa comerciantenan cu kier habri negoshi den caya. Tin e caso di compania Qredits cu ta un compania cu ta financia te cu 100 mil Florin. Si tin e inversionistanan, of caribconnect.org por haya un inversionista pa bo businessplan. Tin posibilidad y KvK lo sigui pusha pa por haya interes pa caya y San Nicolas haya bida back.

San Nicolas tambe ta envolvi den e plataforma di gobierno, Area cu ta toca San Nicolas pero tambe Oranjestad. KvK ta bezig cu e desaroyo di incubator, si ta bin cu esaki den caya y na San Nicolas of Oranjestad, esaki lo por trece bida back. Y si e proyecto di Ferry bay door, esaki sigur lo trece bida back pa San Nicolas. Esaki ta hopi importante, segun Señora Sonja Veldhuizen.

- Advertisement -

DUNA COMENTARIO

Please enter your comment!
Please enter your name here