Home Gobierno Den wowo di gobierno reunionnan cu directiva di PNA tabata mustra positivo

Den wowo di gobierno reunionnan cu directiva di PNA tabata mustra positivo

10
0
SHARE
- Advertisement -

ORANJESTAD (AAN) – E reunionnan cu tabata tumando lugar entre e directiva di Parke Nacional Arikok y Minister di Infrastructura, Medio Ambiente y Desaroyo Teritorial, tabata sumamente positivo den wowo di gobierno, encuanto posibilidadnan pa futuro, ampliacion di tareanan, y responsabilidadnan cu por cay bao e Stichting manera, entre otro, e aspecto di Parke Marino y un mocion cu tin den Parlamento pa 16 area proteha.

Asina Minister Otmar Oduber a expresa den conferencia di prensa, Diaranzon mainta.

E mandatario a sigui bisa cu casualidad den e empeñonan pa por yuda y mehora diferente Stichting, na fin di Januari gobierno a constata cu e statutonan a wordo cambia, no solamente den e reunionnan cu tabata tin prome cu December 1, cu e mandatario a wordo notifica, pero despues cu e cambionan aki a tuma lugar, sin cu a notifica gobierno, e minister ni Parlamento riba e cambionan concerni.

Minister Otmar Oduber a menciona cu den e diferente combersacionnan cu tabata tin cu e bestuur, entre otro, riba dia 28 di Maart ultimo, a yega na un consenso entre gobierno y e bestuur, cu e cambionan den e statuto no a bay di acuerdo cu e etica cu mester existi di locual ta “beheerder bestuur” y conforme e reglanan di bon gobernacion.

Den e caso aki e partidonan cu ta e bestuur di Parke Arikok y Gobierno, a palabra cu lo cuminza un proceso pa haci e cambionan bek conforme e obhetivo (doelstelling) cu mester tabata tin pa e parke y pa cual e Stichting aki a wordo lanta pa medio di un autorizacion (maachtiging) cu Parlamento a duna e Gobierno di Aruba.

Dia 2 di Mei ultimo, despues di e combersacionnan cu a cuminza dia 28 di Maart, e propio bestuur a entrega e statutonan nobo unda e cambionan a bay bek pa e statuto original, firma pa tur cuatro miembro di e directiva actual, cu a caba di pidi su retiro.

E dignatario a remarca cu no ta cuestion cu tabata tin metemento ni cu e minister kier haya mas poder, of cu e ta forza nan den un direccion. Esaki ta traha pa e notario di e propio fundacion y a wordo firma y entrega na e ministerio den un reunion cu tabata tin dia 2 di Mei.

Dia 3 di Mei dos cos a sosode. Minister Oduber a splica cu uno, gobierno a haya di 48 empleado cu excepcion di e managernan, 43 a entrega un carta cu nan firma y nan nomber na gobierno, pa bisa cu nan no tin confianza den e bestuur aki y cu no ta desea di sigui traha cu e directiva aki di Parke Nacional Arikok.

Dos, e mesun 3 di Mey Minister a reuni cu mayoria di e bestuur cu Diamars a pidi retiro, na unda nan a yega na un cantidad di acuerdo y afspraaknan, cu un siman despues gobierno lo haya e texto nobo di e statutonan.

Dia 15 di Mei nan tabata tin un reunion di bestuursvergadering pa duna ok na e cambionan aki. Cu den e tres afspraak, e siman siguiente, nan lo pasa e acta. Kiermen dia 21 of 22 nan mester a pasa e acta aki pa Notario.

Nan a entrega un afspraak eskema pa e siman di 21 di Mei.

A palabra tambe cu Parke Marino lo wordo poni bao maneho di e beheerder. Acuerdonan cu tabata bilateral cu tanto e 16 areanan proteha como e parke marino lo bay resorta bao Parke Nacional Arikok.

A palabra tambe cu nan lo tin un posicion neutral di media, unda cu e miembronan di prensa cu a acerca e mandatario durante e ultimo seis pa siete siman no a duna comentario, y nan tabata sinta na mesa y tur cos a mustra cu tabata bayendo sumamente positivo.

Tur e miembronan presente a bisa cu nan no tabata na haltura di un carta cu nos a haya di BCNA unda cu PNA a manda un carta corigiendo informacionnan incorecto den e carta di BCNA.

Pa ultimo a pidi pa tur partido tin un tempo di trankilidad, despues cu como cinco biaha empleadonan a pone trabao abao y nan tabata sumamente disgusta y no kier a scucha. A logra calma nan y a pidi pa bin un “rust” den e veld di PKN.

- Advertisement -

DUNA COMENTARIO

Please enter your comment!
Please enter your name here