Home Gobierno Dentro di algun dia lo cuminsa test di boramento pa gas y...

Dentro di algun dia lo cuminsa test di boramento pa gas y petroleo

47
0
SHARE
- Advertisement -

Parlamentario Mike de Meza

ORANJESTAD (AAN): E siguiente fase di e proceso pa exploracion di gas y petroli den awa teritorial di Aruba, ta cla pa cuminsa den proximo dianan, segun miembro di Parlamento pa fraccion di AVP, Mike de Meza a mustra.

Segun de Meza ya caba e barco specialisa den e tipo di proyectonan aki tin algun siman caba ancra sperando pa inicia cu e proceso di boramento pa asina determina si lo logra haya deposito di gas y di petroleo den awanan rond Aruba.

“Sin duda un bon noticia pa pais Aruba y cual ta brinda un speranza grandi den temponan scur ocasiona pa gobierno di coalicion MEP-POR-RED y ta spera cu e proceso aki lo conclui exitosamente mescos cu e otro facetanan anterior  tabata.

E barco West Capella ya ta situa den un zona panort y pabou di Aruba na un distancia di mas o menos 35 kilometer di costa di nos isla  y cual barco ya caba a efectua cantidad di e tipo di trabaonan aki rond mundo y esaki ta otro etapa di e proyecto importante aki cu por bira di vital importancia pa desaroyo economico y financiero di nos pais.

Ya caba e compania encarga cu e proyecto aki a efectua un serie di test pa algun aña caba caminda entre otro a haci varios test, a studia resultado di esakinan pa evalua si ta sigui pa e siguiente etapa  y cual interpretacion ta sigui di ta positivo y cu e yega awor cu lo bay haci e testnan di boramento pa determina e siguiente etapa cu tin cu worde sigui,” Parlamentario Mike de Meza a mustra.

E miembro di fraccion di AVP a sigui mustra cu esaki ta otro proyecto grandi cu gabinete Mike Eman I y II a bin ta atendiendo buscando semper alternativanan cu lo hiba e pais den un rumbo mas prospero  y cu lo sirbi interes di henter pueblo y el a mustra cu partido AVP lo sigui e desaroyonan aki di cerca pa asina informa pueblo den e forma corecto.

E proyecto aki ta otro ehempel cla di e vision cu gobierno di AVP tabatin pa Aruba y ta bolbe keda demostra cu siendo den oposicion, desaroyonan importante na Aruba ta sigui ta prueba di e esfuerso grandi di gobierno di AVP semper a ehecuta na bienestar di futuro di e pueblo.

- Advertisement -

DUNA COMENTARIO

Please enter your comment!
Please enter your name here