Home Impuesto Departamento di Impuesto ta haciendo su best pa cobra tur cos cu...

Departamento di Impuesto ta haciendo su best pa cobra tur cos cu ta atrasa

17
0
SHARE
- Advertisement -

ORANJESTAD    (AAN): Departamento di Impuesto ta traha su jaarplan a base di e voorraad di trabao cu nan tin. Esaki sigur ta algo cu nan tin bista riba dje.

Tempo cu e directora actual di Departamento di Impuesto, Luenne Pieters, na 2015, e tabata na 2.2 biyon. Awo a bahe na 1.6. Tur cos ta depende di con duro ta cana. Si genera mas aanslag, esey ta bin acerca. Esey ta e voorraad di e funcionarionan cu ta trata cu invordering, tin pa atende cun’e.

Ta trahando duro, monitorea esey y purba di baha loke tin den voorraad mas tanto posibel. Presion ta grandi. Tur hende sa cu e presupuesto a pasa, kico tin cu cumpli cun’e na entrada. Presion ta grandi riba e departamento pa nan perform y manera semper ta haci nan best pa por cumpli.

E situacion financiero ta hunga un rol. Door cu ta trata di retraso, un tempo por ta e negoshi ta bayendo hopi bon. Nan tabata tin cen suficiente pa por paga e cobransanan di impuesto cu ta sali. Pero si tin un retraso, ta cuminsa cobra cosnan di tres of cuater aña pasa, situacion di awendia di 2018, por ta no ta mesun cos cu tres of cuater aña pasa, caminda cu e ganashi a wordo genera.

Esey ta algo cu ta mira cu ta un problema. Den practica tin biaha ora cu ta haci investigacionnan di buki, a wak administracion di negoshinan, tin cu remarca cu no a tur ora of tin biaha mayoria di e casonan, no tin un administacion confiabel.

Nan no a raporta loke nan a bende, na e manera cu mester ta caminda cu ta haya toch cu coreccionnan grandi riba miyones cu e negoshante ta bisa cu e no tin 2 of 3 miyon na belasting atrasa.

Of mester bay banco pa haci un fiansa pa paga Ontvanger, of mester cera un ke otro areglo di pago. E ta corta di dos banda. E ta inhaal di achterstanden, ta encera no solamente restituties, pero tambe cobransanan cu tin cu sali of cosnan drumi cu tin cu cobra.

Ora cu e cliente haya su mes di algun aña atras, e ta hay’e cu un bunch di biaha cu e tin cu paga. Ora cu bay controla administracion, ta haya toch cu a compliance, pa loke ta administratie, no ta tur ora e cliente ta cumpli cu e administracion manera mester ta. No ta raporta e omzet manera mester ta of tampoco e inkopen manera mester ta, caminda cu ta haya cu e belasting cu ta drag af no ta riba e nive manera mester ta. E ora nan ta haya un cobransa adicional.

Si ta un caso cu no a raporta manera mester ta, ley ta stipula cu por bay cinco aña tras den cierto casonan cu pa malo un compania no ta raporta loke e mester raporta. Por duna espacio cu e inspector por bay hasta 10 aña atras. Tur cos ta depende di e situacion. E cobransanan di grondbelasting a sali por ehempel, ta mira tambe no ta tur ora e cliente tin un aangifte plicht pa grondbelasting.

Departamento di Impuesto mester percura pa nan bestand ta completo y na momento cu haya sa cu nan bestand no ta completo y registra un cliente cu ta suppose di a haya su grondbelasting, nunca a haya un cobransa, ta saca un cobransa pa cinco aña atras.

A haya cierto clientenan cu ta yega y bisa cu for di dia nan ta biba den e cas of a traha e cas, no a paga grondbelasting. Tin hende cu sigur ta biba 10 of 15 aña biba den e cas, nunca no a paga grondbelasting of nunca no a meld, y ta bay cinco aña atras. No tur ora esaki ta husto.

Pasobra si tin un hende cu for di prome aña ta paga su grond belasting netjes y su bisiña banda di dje no ta paga grondbelasting, na final nos tur ta paga dimas. Si tur hende paga su fairshare, e ora e peso di impuesto ta bira menos pa tur hende.

Na momento cu bin haya sa cu un cas no ta registra e ora ta saca un cobransa cu ta bay cinco aña atras. Esey ta algo hopi fastioso pa un cliente. Pesey semper ta urgi cu si bo no haya un cobransa y bo ta di opinion cu bo tin cu haya un cobransa of ta keda straña cu no a hay’e, acudi na Departamento di Impuesto.

Algo por a pasa cu bo no a haya cobransa, pa por verifica bo informacion, si e adres ta corecto, persoonsnummer, tur cos ta corecto, pa asina ey bo tambe tin e posibilidad a cumpli na tempo y no hayabo despues den un situacion cu bo ta haya un cobransa adicional of ta haya un cobransa cinco aña tras di otro.

 

 

- Advertisement -

DUNA COMENTARIO

Please enter your comment!
Please enter your name here