Home Impuesto Departamento di Impuesto ta pensando riba un solucion di e plachinan di...

Departamento di Impuesto ta pensando riba un solucion di e plachinan di number

167
0
SHARE
- Advertisement -

ORANJESTAD  (AAN): Departamento di Impuesto ta bezig ta reglamenta belasting di number di auto den e miho forma posibel. Directora di Departamento di Impuesto, Louenne Pieters, a tende diferente feedback, no solamente di clientenan, pero otro hendenan cu ta labora mas riba caya, manera polis, of ta mira desaroyonan cu no ta bon, feedback ta cu e plachi number cu tin awo, cual ta un solo plachi, cual sigur ta pa tres aña caba, no ta funciona, mirando cu tin hopi accidente di auto, autonan no ta sigura. Tabata tin diferente accion hunto cu polis, cu teamnan di KPA, caminda cu ta mira cu tin hopi boet a wordo parti, te hasta autonan a wordo tuma den beslag, pasobra e impuesto no ta paga, of e seguro no ta paga, of e auto no ta gekeurd, of cualkier otro mankement na e auto.

Keto bay Departamento di Impuesto ta pensando riba e solucion pa esaki. Papiando di automatisacion, ta mira cu di berdad e departamentonan mester bay traha cu otro. No solamente den gruponan di trabao, ora tin accionnan cu ta tuma luga, pero tin cu conecta e informacion, e data cu Departamento di Impuesto tin.

Belastingdienst tin e dato di impuesto. Por bisa cuanto hende a paga impuesto di vehiculo di motor, cuanto hende a keda sin paga, cuanto hente a paga e prome dos kwartaalnan so, cuanto hende no a paga nada. Ta informacionnan cu nan tin den nan sistema. No tin informacion di seguro.

Tin gasto naturalmente. Tin gasto di seguro, gasto di impuesto, tin cu keur e auto. Si e auto ta nobo, e ora no. Mester traha cu otro, conecta e data ey pa na fina yega na e resultado cu kier. Departamento di Impuesto su resultado cu e kier ta pa tur hende cumpli cu e impuesto di vehiculo di motor. Cumpli y na tempo. Na final, polis kier, pa tur auto cu ta riba caretera di Aruba, ta sigura, nan impuesto paga y no tin nada straño cu e auto. Si en caso tin un accidente, partidonan ta cubri door di seguro, etc. Seguro tin informacion di seguro, Departamento di Impuesto tin informacion di impuesto. Polis lo mester haci uzo di informacion di departamento di impuesto of di seguro, pa ora di controla, nan tin e toolsnan tambe pa controla. Minister Bikker tin un idea di un chip den e plachi di number. Por yam’e un chip of barcode. Loke mester bin ta e informacion di e auto. Si ta un Honda, CRV color cora, di aña 2017, chasis nr tanto. E ta pertenece na tal y tal. Impuesto ta paga si, seguro ta paga si of no. Ta informacion cu polis mester haya. Polis no ta haya informacion unda bo ta biba, cu ken bo ta casa, cuanto entrada bo tin, etc. Esey no lo beneficia e trabao di polis na e momento ey. Loke polis lo haya ta e informacion necesario pa nan por haci nan trabao.

Pa por yega eynan, tin cu conecta data. Discusion lo bira si e ta bira un plachi di number di un solo color pa cinco aña, of e mester bira un plachi di number tur aña. Ta haya feedback tambe pa tur aña pasobra e ta mas facil pa controla. Ta djis mira e color. Si e color ta di e aña ey, e impuesto ta paga. Si e color ta di aña pasa, impuesto no ta paga. Tin cu tene cuenta cu e ley di impuesto pa vehiculo di motor a cambia na 2017.

- Advertisement -

DUNA COMENTARIO

Please enter your comment!
Please enter your name here