Home Gobierno Deseo pa Aruba haya un “Integriteitskamer” ta hopi halto

Deseo pa Aruba haya un “Integriteitskamer” ta hopi halto

22
0
SHARE
- Advertisement -

Hubert Dirksz

ORANJESTAD (AAN): E realidad na e isla aki ta, cu den e aparato gubernamental y e forma di atende cu finansa publico, semper a existi formanan ilegal, incorecto cu a causa pais Aruba placa.

Segun Hubert Dirksz di Sindicato FTA, esey ta algo cu mester stop. Si ta bin cu’n integriteitskamer, pero e mester haci su trabao manera cu mester ta.

Cambio den sistema di belasting, un reforma di fiscal cu’n economia cu por draai back, un economia cu ta produci den calidad y no den cantidad. FTA ta di opinion cu nos fronteranan mester keda cera, mirando e situacion na Venezuela. Esaki por trece cun’e cu e ta trece hendenan como migrante, pero despues por bira refugiado.

Esaki mester worde sigui di cerca, mester tin un bon maneho pa por para ilegalidad. Tur ilegalidad na Aruba mester tin un complice, ya cu ta imposibel e cantidad di ilegalidad cu tin y no tin manera pa stop’e.

Loke ta worde yama ulimto tempo ta e Perfect Storm formando, segun Sr. Hubert Dirksz, cu ta bin acerca di un Crisisheffing, hunto cun’e ta haya aumento di petroleo, aumento di fuel oil y un aumento di gasoline. Esaki lo hibabo den un spiraal inflatorio. Prome cu esey yega, mester sinta na mesa pa atende cu e parti akinan. No por ta asina cu Aruba, door di e sitaucion na e momento aki, cu ta bay hinca nos den spiraal inflatorio, cu ta bay hibanos den inflacionnan grandi, cu ta bay afecta nos poder di compra y cu por pone cu nos GDP a baha. Si esaki pasa, Aruba ta den un situacion hopi serio, segun Sr. Hubert Dirksz di sindicato FTA.

- Advertisement -

DUNA COMENTARIO

Please enter your comment!
Please enter your name here