Home General Deurwaarder so por tuma un propiedad den beslag y no un civil

Deurwaarder so por tuma un propiedad den beslag y no un civil

2916
0
SHARE
- Advertisement -

Abogado David Kock:

ORANJESTAD (AAN): Tin un situacion peculiar ta sosodiendo, unda tin un persona, un civil fam Soemers, ta bezig ta confiscando pa banco diferente auto pa hopi tempo caba. A surgi un situacion unda cu el a wordo confronta cu e no por sosode sin mas.

Segun abogado David Kock, e caso cu nan a atende ta un pleito entre dos persona. Pero e cliente di Kock a wordo sorprendi pa un persona cu ta aparece y ta saca un papel cu ta parce uno di deurwaarder. Na prome instante e ta bisa cu e ta deurwaarder, locual ta un delito, pasobra si bo tuma un funcion y haci como sifuera bo no ta, ta castigabel.

E persona a bin pa coge un auto den beslag. Naturalmente e cos aki no por. Den un sistema legal, asina yama eigenrichting, kiermen cu bo ta coge ley den bo propio man, no por, no ta posibel pa un persona bin coge un cos for di un otro hende. Esaki ta solamente posibel ora ta trata di un deurwaarder di berdad. Esey, despues cu haya autorisacion di hues, e por bin coge un propiedad den beslag.

A purba di papia cu e persona con e ta, pero esaki ta para riba cu e tin rason. A pidi e  cliente e ora pa yama polis, y pa sorpresa ta cu e prome grupo di polis a bin a papia cun’e, a convence cu si e por haci esaki. Pa abogado esaki ta increibel pa scucha esey. E ora a envolve un fiscal di biaha. A bisa e cliente pa drenta den auto y no baha for di e auto, pa e persona no bay cu e auto. E ora si fiscal mes di biaha tambe a reacciona cu esaki no ta posibel. A manda un otro grupo di agente policial cualnan a ordena e meneer pa e bay. ya e auto tabata na cadena pa subi e truck. A ordena e persona pa e bay pasobra loke e ta haciendo no por.

Tin di compronde cu banconan ta haci uzo di un sistema asina, cual ta totalmente fout, si banconan ta haci esaki. Pero otro instancianan tambe ta haci uzo di esaki. No ta trata di un banco cu a mand’e, pero ni banco, ni otro civilnan no por actua di e manera aki. Tin cu bay segun leynan vigente.

Ora bo haci un fiansa na un banco por ehempel, loke ta pasa ta cu banco tin un derecho di siguridad. “Zekerheidrecht”. Cu si bo no paga, tin cu cana un procedura pa banco percura pa bo auto wordo bendi, paga e debe y si keda un debe, tin cu pagu’e y si sobra, banco ta dunabo bek. No ta cu auto ta di banco y bo tin’e fia, di manera cu banco por yega cualkier dia y confisca e auto. Banco tambe mester cana un procedura cu no ta e ora djis manda hende cu un truck bin coge e auto.

Ningun hende tin derecho di habri auto tampoco. Auto ta di e persona. Si e tin posesion den dje, ta di dje e ta. Tin tur sorto di motibo pa impedi pa bay cu e auto, drenta den e auto. Ta compronde cu tin ora tin hende cu ta spanta of nan no sa nan derecho. Pero ta bon pa sa di derechonan cu nan tin riba e materia aki.

 

 

- Advertisement -

DUNA COMENTARIO

Please enter your comment!
Please enter your name here