Home Social Dia di Tata Ta pa nos grandinan tambe cu ta den cas...

Dia di Tata Ta pa nos grandinan tambe cu ta den cas di cuido

34
0
SHARE
- Advertisement -

ORANJESTAD  (AAN) — Dialuna dia 11 di juni Fundacion Ban Educa y Prepara tabata na cas di cuido cu ta keda na Palisiaweg pa asina corta cabey di nos grandinan. Tabata un placer ta duna un danki enorme na e cas di cuido, cu  por a haci e bunita gesto aki pa nan.

Aruba completo lo celebra dia di tata cu tur tata di cas. Tin hopi di nos grandinan cu ta tata y welo pero no ta biba na cas mas. Pesey ta pidi tur cu ta yiu y famia pa no lubida riba nan riba un dia tan special cu ta dia di tata. Bishitanan y sigui duna nan e amor y aprecio. Honra e dia di tata aki cu nan. Ora cu nan tabata na cas y tabata fuerte, famianan tabata pasa dia di tata hunto honrando nan forsa como esun cu ta sostene y ta proteha e famia.

Awe pa un motibo of otro nan no ta na cas mas y no por duna e famia e proteccion mas pero ta nos turno como yiu pa duna nan e proteccion, e amor y e alegria cu tata ta keda tata unda cu tata por ta. Pasa tempo cu nan, nan den nan curason lo aprecia esey. No tin nada mas dushi pa ta den compania di bo famia.

Fundacion Ban Educa y Prepara ta desea tur tata un feliz dia di tata diadomingo awor. Pasa un dushi dia como famia. Danki na tur cas di cuido na Aruba cu ta cuida nos grandinan. Amor ta e sentimento di mas grandi cu Dios a duna nos tur pa comparti cu otro. Ban sigui comparti amor cu otro y sigui tin amor pa otro.

- Advertisement -

DUNA COMENTARIO

Please enter your comment!
Please enter your name here