Home Gobierno Diabierna tabata tin pasamento di yabi di minister pa minister

Diabierna tabata tin pasamento di yabi di minister pa minister

47
0
SHARE
- Advertisement -

Na Centro di Pesca Zeewijk /Cura Cabay

ORANJESTAD(AAN) — Piscadonan di tur bario rond Aruba awor tin un centro di pesca mas. Cu entrega di yabinan di e Centro di Pesca na Zeewijk/ Cura Cabay, a mira e continuidad cu mester tin pa proyectonan cu ta na beneficio di nos piscadonan na Aruba.

Na e ocasion a mira piscadonan di diferente bario, Santa Rosa, DOW, DIP y varios otro departamento cu a contribui na e hecho sumamente bunita aki. ‘Ta orguyoso pa mira y tambe cu por bisa cu e fondonan publico a bay na un proyecto cu ta na beneficio di henter comunidad,’ Minister Otmar Oduber a remarca.

Minister Otmar Oduber a pasa e yabinan di e centro na Minister Chris Romero encarga awor cu asuntonan di agricultura y pesca.

Minister Chris Romero cu a ricibi e yabinan di e centro a menciona cu semper ta pensa riba con lo ta bay sigui expande riba e bienestar di e piscadonan akinan na Aruba, cu cada bes ta wordo confronta cu retonan. Motornan ta wordo horta, problemanan riba lama, aumento di gasto, entre otro. Teniendo na cuenta e ofishi importante aki y con duro e ta pa eherce considerando e clima den dia, y peligernan cu por presenta ora cu ta subi lama, pasobra hopi ta esnan cu ta gusta come pisca.

‘Cu e curason cu mi colega Minster Romero tin tambe pa esaki, a papia riba futuro proyectonan. A presenta e plannan aki den Conseho di Minister unda cu Minister Romero a presenta e ley di iniciativa pa ‘tax holiday’ pa piscadonan. Hunto cu ekiponan cu nan mester tin pa nan por traha pa yuda nan tambe baha gasto cu tin pa locual ta eherce e ofishi bunita aki.’

Pa locual ta e sitio, Minister Oduber a splica cu banda di ta un centro di pesca, tin un beach tambe cu a keda hopi precioso, cual e bario completo por haci uzo di dje, cu ta facilidad tambe pa ‘welcome’ turista den futuro. E centro tin espacio tambe unda cu den futuro bo lo por cumpra bo pisca y disfruta cu famia henter.

E Mandatario a termina gradiciendo tur presente specialmente e piscadonan y e contratista BIC, pa a entrega e joya di proyecto aki cu a wordo realisa pa un suma di 2.7 miyon florin. ‘Laga nos cuida esaki mescos cu ta nos propio cas. Pabien!’

- Advertisement -

DUNA COMENTARIO

Please enter your comment!
Please enter your name here