Home Cultura Diadomingo awor ta festeha Dia di Portugal

Diadomingo awor ta festeha Dia di Portugal

31
0
SHARE
- Advertisement -

ORANJESTAD (AAN): Diadomingo awor dia 10 di Juni, lo tin celebracion di 53 aña di Dia di Portugal, Dia di Luis Vas de Camoes y Dia di Comunidad Portugues rond mundo.

Pa e gran celebracion aki cu ya ta un costumber di tur aña na Aruba, esta Dia Nacional di Portugal, Dia di Luis Vas de Camoes y dia di comunidad Portugues rond mundo. Aki nan lo tin acto protocolar na Wilhelmina Park pa 10’or di mainta.

E celebracion aki cu a cuminsa na aña 1965 danki na sr. Aventura Quimarais.  El a nace na Portugal riba dia 9 di maart 1927 y cu su 36 aña el a imigra pa Aruba.

Aventura su ofishi tabata welderdo, pero e no tabata un welderdo comun y coriente, e tabata un artista. E tabata miho conoci pa e homber cu tabata biba dilanti di NV Elmar riba Wilhelminastraat. El a tuma e iniciativa pa e tempo ey celebra Dia di Portugal aki na Aruba conhuntamente cu un grupo chikito di Portuguesnan y a marcha saliendo for di su cas riba Wilhelminastraat pa Wilhelmina Park.

E grupo di Portguesnan aki den un forma hopi emocional a bini hunto p’asina gradici Aruba pa e bon aceptacion di e Portuguesnan na Aruba.

Aventura Quimarais a fayece riba dia 17 di november 1993, pero te ainda riba e dia aki comunidad Portugues ta record’e.

Portuguesnan ta conoci di ta hende cu ta traha duro y lucha te na final. Nan a contribui na economia di Aruba den añanan 65, 70 y 80. Tambe nan tabata haci trabaonan duro y pisa.

Portugues tabata busca un futuro pa nan famia y no ta importa e trabao. Pa nan tabata mas importante e dignidad pa tin un trabao y cu un dia nan lo logra.

Pa algun di nan, esaki tabata un cos no mucho bon pa haci, pero a sali fo’i nan pais pa traha y gana algo pa bay cas back cune, y no pa keda semper. Esaki tabata e deseo di mayoria di nan. Pero na caminda cosnan a cambia

Asina a sosode cu Portuguesnan poco poco tambe a cuminsa integra den e sociedad di Aruba na unda nan a eherce diferente funcion den comunidad, educa nan famia y ainda nan ta aki y dera na e dushi isla aki Aruba.

Nan exito ta sin duda su capacidad di adapta den diferente ambiente mientras cu al mismo tempo mantene bibo y practica e balornan di su origennan.

Y p’esey nos ta aki pa gradici Aruba pa acepta nos como parti di nan. Nos ta sinti nos mes hopi orguyoso di forma parti di e isla aki y ainda nos ta parti di e desaroyo di Aruba.

DIARIO a compronde cu e dia aki lo ta dedica na 2 Portugues y asina gradici nan pa nan dedicacion y nan gran esfuerzo. Como cu nan a contribui semper na bienestar di Club Portugues y den e trayecto di celebracion di Dia Nacional di Portugal p’esaki ta gradici nan y duna e personanan aki nan honor mereci.

LUIS VAS DE CAMOES:

Luis Vas de Camoes tabatin un bida turbulento, su aparencia inkieto no a permitie sigui traha na e corte di Dr. Juan tercero, pero a ser manda guera na Morroco, eynan el’a perde su wowo drechi. Despues el’a bay Portugal back, pero na 1553 el’a sali di aventura pa Oriente, durante su biahenan tabata compone su poemanan. Despues di 16 aña el’a regresa Portugal. El’a yega pober y cansa, pero cerca di termina su obra pa e ofrece na su patria un obra cu un prijs impagabel „Os Lusíadas’. Añanan despues cu Portugal a cay den e dominio Spaño, e partiotismo di e poeta a sufri un golpi doloroso. El’a fayece riba dia 10 di juni 1580, e poco dia prome cu el’a muri el a skirbi:  “Enfin bida lo caba, tur lo mira cu ami tabata amigo di mi patria y cu lo mi prefera no solamente di muri na mi patria pero cu mi patria.”

BANDERA PORTUGUES:

E bandera tin 5 Skina cu  ta simbolisa e 5 rey Mouros cu D’Afonso Henriques a gana durante bataya di Ourique. E puntonan den e skina ta representa como e 5 heridanan di Cristo unda ta bisa durante bataya de Ourique Jesus Cristo crucifica aparece na D’Afonso Henriques y ta bisa nos ta bay gana e bataya. 7 Castilo ta simbolisa e localidad nan fortifica di Afonso Henriques. E berde ta simbolisa e speranza e cora ta simbolisa e curashi y e sanger di e Portuguesnan durante bataya. Autor di e bandera di Portugal ta Columnao Bordalo Pinheiro, Joao Chagas y Abel Botelho na aña 1891.

Diadomingo mes tambe lo tin celebracion dia Nacional di Portugal na Club Primavera.  Programa pa e gran celebracion ta como lo siguiente.

Pa 5:30’or di atardi lo cuminsa gastronomia Portugues, cuminda tipico Portugues lo tin oportunidad pa come dushi platonan manera “Bacalhau a Portuguesa” “Caldo Verde” y  famoso Espetada com Bolo do Caco.

Tambe e parti di cos dushi lo t’ey presente; Bolo de mel, Broas, Pan dulce y hopi mas.

Despues di 6:30’or di atardi lo cuminsa e Show Cultural Portugues cu Poesia Baile Folklorico y Canto Portugues.

Directiva FSCP ta haci un invitacion general na henter pueblo di Aruba y Portuguesnan residencia aki na Aruba pa bin y celebra Dia di Portugal na Aruba

Nos kier a gradici tur esnan cu di un of otro forma a yuda Club Primavera.

 

- Advertisement -

DUNA COMENTARIO

Please enter your comment!
Please enter your name here