Home Estilo Diahuebs awor tin apertura di expo “Future Relics” na Atelliers ’89

Diahuebs awor tin apertura di expo “Future Relics” na Atelliers ’89

21
0
SHARE
- Advertisement -

ORANJESTAD   (AAN):  Diahuebs awor ta e gran apertura di Future Relics, cu e resultadonan di e workshop actual di Ateliers ’89 Academia di Bellas Artes Aruba, bou guia di Yiannis Mouravas y Nicola Baratto. Nan a bin Aruba den residencia na Ateliers ’89, pa haci un investigacion riba Antilla, e barco gezink, pero tambe riba arkeologia cu a wordo lubida y arkeologia propio di cual e ultimo ta e punto di salida pa e workshop aki.

Ta dianan di hopi tension atrobe na Ateliers ’89, pa asina por logra termina e obranan na tempo y presenta nan pa e opening di Diahuebs awor 28 di Juni pa 8 pm, na Ateliers ’89, den su sala mayor di exposicion.

Pa por logra e participantenan Amy Biegstraaten, Facundo Franken, Kareina Arcaya, Alexis Dirksz, Suzzane van Spall, Albert Rey, Agnes Leslie, Adolfo Rekkers, Ann Angela, Rodrigo Peraza, Pemela De Coteau, Farley Croes y Romelinda Maldonado a traha un luna largo di manera via pintamento crea ideanan inovativo y diseñonan futuristico pa asina por yega na e obranan di escultura y instalacion cu lo wordo presenta Diahuebs awor.

Casi no por warda pa mira e resultado di e fantastico workshop aki. E exposicion aki lo wordo acompaña pa e gran artista DJ Adriano Nanof.

 

- Advertisement -

DUNA COMENTARIO

Please enter your comment!
Please enter your name here