Home Politica Dialuna Partido MEP tin reunion informativo pa pueblo di San Nicolas

Dialuna Partido MEP tin reunion informativo pa pueblo di San Nicolas

31
0
SHARE
- Advertisement -

Cumpliendo cu transparencia:

ORANJESTAD (AAN): Partido MEP ta sigui cu reunionnan informativo den tur bario na Aruba. Ta notable cu tin masha interes den bario pa e informacion cu MEP ta trece padilanti pa cua motibo MEP lo sigui informa pueblo cu e berdad y realidad. Di e manera aki, Partido MEP ta cumpli cu transparencia.

Dialuna awor, 18 di juni na Scol di Arte na San Nicolas cuminsando di 7or di anochi lo tin e oportunidad pa bin scucha e informacion riba e temanan actual. Presente pa contesta preguntanan y duna informacion ta: Minister Chris Romero, Minister Glenbert Croes, Minister Xiomara Ruiz-Maduro y Prome Minister Evelyn Wever-Croes.

Durante e anochi informativo, publico ta haya e oportunidad pa haci nan pregunatanan of trece nan inkietudnan dilanti.  Integrantenan di MEP, den e caso aki Ministernan y Prome Minister lo contesta tur pregunta y lo comparti informacion importante di e desaroyonan den nos comunidad como tambe den gobierno.

Un topico sigur lo ta e ‘Crisisheffing’. Ta importante pa pueblo comprende cu e crisis financiero cu Aruba ta aden awo aki ta un crisis traha pa Mike Eman y partido AVP. Cu MEP awo den Gobierno, e prioridad ta pa sanea e situacion financiero di nos pais pa asina laga un Aruba na unda por tin un desaroyo economico structural pa e siguiente generacionnan.

Partido MEP ta extende un cordial invitacion pa pueblo di San Nicolas y Aruba en general pa asisti na e nochi informativo aki dialuna awo 18 di juni pa 7or di anochi.

- Advertisement -

DUNA COMENTARIO

Please enter your comment!
Please enter your name here