Home Hudicial Director di DVG no a wordo suspendi

Director di DVG no a wordo suspendi

249
0
SHARE
- Advertisement -

Abogado di Gobierno Brian Coffie:

ORANJESTAD  (AAN): Dialuna tabata tin un caso interesante cu a tuma luga. E tin di haber cu e suspension di e director di Departamento di Salubridad Publico, Jerry Staring. El a haya un carta unda cu el a wordo suspendi di trabao door di Minister Dangui Oduber.

Segun abogado Brian Coffie, a splica cu den e caso aki, no ta trata di un suspension. Ta bon pa bisa bon cla pa no tin duda cu e caso aki no ta trata di un suspension. E ta sigui bisa cu ta un toegangsontzegging y ta un medida caminda cu tin un investigacion andando y dialuna tabata tin un caso den corte cu esey a wordo trata y dia 6 di Juli lo tin un sentencia den e caso aki.

Tin cu wak kico e sentencia lo bin cun’e dia 6 di Juli.

Motibo ta cu tin un investigacion cu ta wordo haci. Normalmente esey por dura seis siman, manera cu e minister a menciona durante e conferencia di prensa y un investigacion asina por wordo prolonga cu seis siman mas, den dado caso cu ta necesario. Awor aki esey ta e motibo cu sr. Staring a bin corte hunto cu su abogado, pa pidi pa hues suspende e ordemaatregel cu a wordo tuma, cual ta nada otro cu un medida di orden. No ta un suspension. E no ta un accion disciplinario y ta djis un tempo mester wordo duna pa un investigacion wordo haci, pa asina e resultadonan di e investigacion ey wordo divulga, prome cu duna cualkier remarca riba e investigacion.

No por divulga nada mas riba dje.

Ora ta trata di un toegangsontzegging, ta pa e investigacion wordo haci den tur trankilidad y cu den ningun forma cu e investigacion wordo influencia. No ta rekeri pa ley pa scucha e persona den horen en wedenoor. Den e caso aki tabata tin conversacionnan cu a tuma luga, cual e abogado no a bay mucho den detaye.

- Advertisement -

DUNA COMENTARIO

Please enter your comment!
Please enter your name here