Home Actividad Especial E genio di beyesa Matt Swinney lo tey prome biaha na Aruba

E genio di beyesa Matt Swinney lo tey prome biaha na Aruba

41
0
SHARE
- Advertisement -

ORANJESTAD (AAN): Despues di a gana e premio mas grandi di NAHA (North American Hairstyling Awards), y a keda nombra como e estilista di aña, e conocido director creativo di L’anza, Matt Swinney, lo ta pa prome biaha di bishita riba nos isla.

E proposito di su bishita ta pa duna un tremendo workshop di corte y color na tur estilista di Aruba y asina informa un y tur di e ultimo tendencia y tecnicanan den e mundo di beyesa.

Matt Swinney ta un persona sumamente conoci den e mundo di estilismo mirando su gran logronan riba pasarelanan international manera New York Fashion Week. Banda di esaki Matt a worde categoriza y ta carga e titulo di e Genio di Beyesa den e mundo di estilismo.

Pa es rason Matt ta viaha rond mundo pa duna tayernan di corte y color pa asina inspira demas estilista. E biaha aki ta toca turno pa Aruba ricibi un bishita di e magnitud aki, cu sin duda algun , ningun cu ta forma parti di e mundo di beyesa no por perde.

E magno evento aki lo tuma lugar diadumingo 24 di Juni den Alhambra Ballroom, na unda cu Matt Swinney lo ta presente pa duna personalmente e workshop aki, cu e ultimo tendencianan den moda. Mode ta keda revoluciona y esaki ta e oportunidad perfecto pa siña y sigui crece den e area aki. Esaki ta un evento di Medicosmetics Aruba N.V. hunto cu L’Anza.

- Advertisement -

DUNA COMENTARIO

Please enter your comment!
Please enter your name here