Home Gobierno E prome barconan cu fruta, berdura y pisca ta yega Barcadera

E prome barconan cu fruta, berdura y pisca ta yega Barcadera

225
0
SHARE
- Advertisement -

Diahuebs awor frontera maritimo cu Venezuela ta habri:

ORANJESTAD (AAN) – Minister di Economia y Finanza, . Xiomara Ruiz- Maduro, a hiba palabra den e conferencia di prensa di Gobierno, Dialuna awor.

E dignatario a duna e bon noticia cu Diahuebs awor, dia 7 di Juni, e frontera maritimo di Aruba cu Venezuela ta habri pa asina aki fruta, berdura y pisca, por bolbe wordo importa y yega na nos waf na Barcadera.

E mandatario a bay Venezuela siman pasa acompaña pa e director di Douane sr. Croes, director di Relacionnan Exterior sr. Edwin Abath, y sr. Peters cu ta traha hunto cu e mandatario.

Na Venezuela nan a reuni cu e persona cu lo bira Gobernador di Estado Falcon y aya a yega na e conclusion y e proceso y documentonan a wordo presenta, y awor di parti di Aruba ta conoci cual ta e procedure y documentacion cu por wordo uza pa asina facilita e proceso.

E dignatario aki a stop e parti di importacion di manera cu nan a cera e fronteranan y despues, pa habri e frontera, a sigui un cantidad di dialogo di cual sigur pa Aruba tabata importante e aspecto di seguridad.

Den e reunion aki a yega na e acuerdo riba kico ta bay ta e modelo di e documento cu ta bay wordo uza, ki tipo di stempel lo pone riba dje, y aworaki a yega na e condicion cu di adelanta Aruba ta bay haya informacion di cual ta e barco cu ta bin y cu cual carga y tripulacion.

Esaki pa motibo di seguridad cu Aruba kier tin y pa di adelanta gobierno sa kico ta bay wordo importa via e barconan cu ta bin y pa na tur dos banda di awa kico ta locual a sali legalmente for di Venezuela. Asina ta evita ilegalidad.

E mandatario a subraya cu hopi hende na Aruba ta bay puntra ki control ta bay tin awor cu a habri frontera, y si ilegalidad ta  bay sigui, pero hustamente e reunionnan aki a sirbi pa toca e tema aki, y importante ta cu nos pais kier importa fruta, berdura y pisca.

Minister Ruiz-Maduro a bisa cu e reunionnan cu a tuma lugar siman pasa Diahuebs y Diabierna a bay den bon esfera, y lo ta un bon ehemplo pa e reunionnan cu lo sigui na nivel nacional dia 11 di Juni proximo.

Esaki lo ta un reunion tecnico, manera a tuma lugar caba na nos Isla ruman Curacao cual lo tin continuidad na Valencia unda entre otro, lo tin representacion di Venezuela, Curacao, Aruba y Bonaire.

E meta ta pa yega na e modo di trabao na un manera structura y bon coordina unda tur intencion di ilegalidad tene cuenta y e control por wordo haci debidamente door di ambos teritorio maritimo.

E mandatario a reitera cu pa e publico consumidor nan por spera e prome barconan cu ta trece fruta, berdura y pisca. Pa esnan cu por puntra di con no ta bin prome, e mandatario a indica cu esaki tin di haber cu e hecho cu na Venezuela tambe nan tin cu encamina e proceso riba e decisionnan cu a wordo tuma di e modelonan cu ta bay wordo uza como documentacion, ademas di e hecho cu tambe tin carga cu ta bin di otro caminda na nos Puerto y cu tambe mester wordo instrui corectamente, tocante kico ta e reglanan cu ta bay conta di awor padilanti encuanto transporte di fruta, berdura y pisca.

 

- Advertisement -

DUNA COMENTARIO

Please enter your comment!
Please enter your name here