Home Ciencia y Tecnologia Elmar co-anfitrion conferencia Innovacion y Solucion Tecnologico

Elmar co-anfitrion conferencia Innovacion y Solucion Tecnologico

9
0
SHARE
- Advertisement -

ORANJESTAD(AAN)– N.V. Elmar hunto cu e isla di Aruba tabata e co-anfitrionnan orguyoso di e conferencia inaugural di ICT Americas (ICTA) den Caribe. Pa 3 dia, the Hilton Aruba Caribbean Resort tabata e localidad esencial di reuni pa e CIO, CTO y profesionalnan den IT/ Networking di companianan principal y internacional manera Nutanix, W.I.T Intelligent Technology, Amazon, Arista y Palo Alto Networks.

E conferencia a dura un total di 3 dia, cu N.V. Elmar y Aruba como co-anfitrion y tabata funda pa John Maldonado, CEO di W.I.T Intelligence Solutions. Durante e evento aki di 3 dia, lidernan di e industria a: bini hunto, network, presenta y intercambia ideanan pa asina bai mas dilanti di e oportunidadnan.

Varios orador grandi a subi podium pa comparti nan innovacionnan mas recien, tips y ideanan. Oradornan manera:  entrenador tecnico mayor Wes Gruver di AWS Amazon, ingeniero mayor di sistema Gustavo Sosa di Nutanix y N.V. ELMAR su lider di innovacion Ivan Ng.

N.V. Elmar tin varios aña ta traha cu Nutanix y W.I.T Intelligence Technology y a hasta asigna un unidad special pa ICT technology na nan oficina principal na Oranjestad. Pa medio di e tecnologianan nobo, N.V. Elmar por a logra introduci na e isla; Smart Meters, luznan di caya cu Smart LED, sistema prepaid di SmartUp y charging pa Vehiculo Electrico Smart. Innovacionnan increibel cu lo destaca Aruba ta cla pa hiba delantera cu IT technology and Development.

Segun Mr. Maldonado a menciona den su introduccion: “Aruba ta un di esnan mas avansa den Caribe pa loke ta tecnologia.”

Gustavo Sosa hunto cu Willy Brun a papia tocante Nutanix Cloud Enterprise. Despues di e presentacion, un comite cu a inclui N.V. ELMAR su lider di innovacion Ivan Ng, Dagoberto Hernandez y Tabare Alvarez di EdeNorte, a papia tocante e diferencia cu Nutanix Technology a haci pa cada un di nan companianan.

E ultimo dia di e conferencia a resulta di ta tremendo, ora cu Alex Spoov, Director Tecnico di W.I.T. y Entrenador Tecnico di AWS Amazon, Wes Gruver a subi podium. Wes Gruver a introduci e principal di Amazon su servicionan den calculacion, storage, database y networking. E tabata e prome biaha cu un orado di e compania multibiyonario a yega di papia den Caribe.

Otro topiconan importante di e conferencia exclusivo a inclui: seguridad cibernetico, atake riba data personal y e regulacion recien di e GDPR na Europa. Asistencia tabata solamente pa medio di invitacion y a resulta di ta un exito grandi. N.V. ELMAR ta gradicido pa por a ser co-anfitrion na e prome conferencia di ICTA den Caribe y ta desea ICTA hopi mas conferencianan exitoso den e añanan benidero.

Elmar Innovation Leader Ivan Ng (left) – Willy Brun from Nutanix (right)

Innovation leader Elmar Ivan Ng (3rd from the left) and Elmar CEO Robert Henriquez (4th from left).

From Left to Right: Gustavo Sosa – Nutanix / John Maldonado – W.I.T. / Ivan Ng – Elmar / Willy Brun – Nutanix

AWS Amazon – Wes Gruver

- Advertisement -

DUNA COMENTARIO

Please enter your comment!
Please enter your name here