Home Social Empleadonan di Aruba Bank a disfruta di speurtocht

Empleadonan di Aruba Bank a disfruta di speurtocht

17
0
SHARE
- Advertisement -

ORANJESTAD (AAN): Aruba Bank a organiza nan “Aruba Bank Challenge” como parti di preparacion p’e empleadonan pa e famoso Aruba Bank Walk & Run. A organiza un evento di speurtocht, unda a destaca e importancia di traha den team (team building).

Un total di 10 grupo di empleadonan motiva y determina a participa den e speurtocht, di cual nan a competi contra otro den “mind blowing games” manera canta. Tambe nan mester a adivina e sabor di algun ijscream y a cana aproximadamente 6 km desde e sucursal di Aruba Bank na Hato te cu e oficina principal situa na Camacuri.

Pa 8’or di anochi a inicia e speurtocht unda cu e teamnan tabata entusiasma pa competi y a kibra nan cabes durante e evento. Tur hende a pasa un rato agradabel y no tabata kier p’e speurtocht termina.

E ganadonan tabata como lo siguiente: Prome luga a resulta Reunited Team, di dos luga tabata GEMS, di tres luga a bay pa Pika Zelos & WTF (Where’s the finish), mientras cu e premio pa “Miho uniform di team” a bay pa “I can’t feel legs, can I feel yours?” y team cu mas ambiente a resulta “69% Less fit team”. Aruba Bank ta felicita tur cu a participa y haci e evento uno inolvidabel.

- Advertisement -

DUNA COMENTARIO

Please enter your comment!
Please enter your name here