Home Economia Endy Croes mustrando cu CAft a knockout AVP formalmente

Endy Croes mustrando cu CAft a knockout AVP formalmente

31
0
SHARE
- Advertisement -

“Aanjagen van Economische groei door schuld op te bouwen werkt niet!”

ORANJESTAD (AAN): Parlamentario Endy Croes a splica despues cu el a sali for di reunion cu CAft lo siguiente.

Diabierna mainta CAft a reuni cu Minister President, Minister di Finanzas y henter Conseho di ministronan alrespecto ultimo desaroyonan entre Aruba, CAft y Hulanda. Realidad ta cu den un serie di corespondencia entre CAft y Gobierno dia 7 di Juni ultimo CAft a manda un carta CFT # 201800133 unda ainda CAft tabata tin preguntanan rond dos topico.

Uno tabata riba un plan pa baha gastonan di personal desde 2018 en adelante pero tambe CAft no tabata convenci den un suma di 17.5 MIYON presupuesta di Refineria di Aruba. Ambos punto a keda bari for di mesa unda CAft a anuncia mesora despues di a reuni cu gobierno cu Aruba a cumpli (voldoet) na tur cos y pues ta CAft ta acepta y lo duna conseho positivo na Rijksministerraad alrespecto e presupuesto 2018 di pais Aruba.

AVP a destrui e pais aki:

Den e reunion cu Parlamento unda oposicion tambe tabata presente pa scucha nan veredicto, Raymond Gradus a splica algun tema hopi interesante pa una ves por todo keda comproba cu AVP a destrui e pais aki cu nan maneho financiero fuera di tur contexto. Raymond Gradus a splica cu berdad NO a logra e norma di 2017 cual mester tabata un deficit di 0.5%  di acuerdo cu Ley di LAFT pero esaki a resulta di ta 2.6%  mas e deficit di 0.5% a alcansa 3.1%  cual ta igual na un deficit di 155 MIYON pa locual ta trata aña 2017. Esaki ta caba tur discusion cu e politiconan di Panlefi di AVP kendenan durante tratamento di presupuesto ainda a keda manipula y engaña nan siguidornan cu nan a logra e norma di 0.5% deficit di 2017. Banda di esaki Raymond Gradus di CAft a dal AVP un bofta den nan cara.

Teoria di Krugman desbarata:

Tanto Mike Eman y Mike De Meza recien den entrevista y conferencia di prensa a splica cu AVP no a scoge pa medida pero a scoge e caminda pa engrandece economia. Textualmente Raymond Gradus a splica ”Aanjagen van Economische groei door schuld op te bouwen werkt niet voor een kleinschalig economie en dit is nu bewezen”.

Cifranan di Banco Central a mustra claramente cu e crecemento economico di pais Aruba 2015, 2016, 2017 a conoce un crecemento negativo. Pues NO tabata tin crecemento economico. Tur locual AVP y Mike Eman a gaba cune cu ta usando e teoria  di Paul Robin Krugman pa pomp placa di gobierno aumentando e debe pa crece economia no a funciona at all.

Nos tin mil MIYON Florin di Bo Aruba pa bay paga awor. Parlamentario Endy Croes ta termina bisando e berdad a worde treci cla y raspa dilanti. Ban hunto crusa e brug aki aunke cu esaki lo causa poco dolor pero esaki ta e caminda pa garantisa un futuro briyante pa henter nos comunidad.

- Advertisement -

DUNA COMENTARIO

Please enter your comment!
Please enter your name here