Home Enseñanza EPI ta birando chikito mayoria di gasto ta bay den Airco

EPI ta birando chikito mayoria di gasto ta bay den Airco

69
0
SHARE
- Advertisement -

Campus di EPI traha pa 1200 awor ta na 1900 studiante

ORANJESTAD  (AAN): — EPI, e campus a wordo traha pa acomoda 1200 studiante y awo nan ta na 1900. Esey kiermen cu e espacio ta birando chikito segun Anki Danker, directora operacional di EPI. Nan tin 10 trailer extra si riba tereno cu por logra acomoda. Tur aña e ta un reto pa wak con ta acomoda tur e studiantenan. Tin cierto espacionan manera vergaderzalen cu tambe ta birando local na cierto momento, pero cu tur ta wordo acomoda, tur e studiantenan ta haya nan luga. Tin ora e gruponan ta bira tiki mas grandi. Pero esey ta e limitacion cu tin awor aki.

A informa minister cu falta espacio y e tin cierto ideanan cu esey. Ta den bespreking cun’e den ki direccion pa bay. Awo hunto cu DPS ta bay traha un plan. No ta solamente e plan di espacio, pero tambe un plan di mantencion. E begroting no ta ruim y tin un reto eynan tambe. Awor aki a bisa cu ta bay traha un plan pa bisa specificamente kico ta e necesidadnan pa e ora sinta mas concreto na mesa pa cuminsa evalua kico lo bira cierto posibilidadnan pa futuro.

Cierto areanan ta dificil pa haya docente. Awor aki tin problema pa haya docentenan di ICT pa duna les di computer. A pidi diferente biaha pero e aplicacionnan ta hopi minimo. Tin cierto areanan, pero overall ta logrando si pa e aña aki. Ultimo Hulandes ta keda semper un reto, pero a logra yena esey na tur e vacaturanan cu tabata tin cu excepcion di  ICT.

Te ainda e ta un edificio basta nobo, den e sentido e mantencionnan cu ta haci ta regular. Pero por ehempel nan no tin e espacio pa verf e edificio. Hopi biaha a bisa cu kier duna e edificio un color nobo, pero ta haya cu tin cu scoge, pone prioridad na e inversionnan cu ta haci. E airco, tin un inversion di casi 1.5 miyon y mayoria di e gastonan ta bay eyden, esta mantencion di e airconan.

- Advertisement -

DUNA COMENTARIO

Please enter your comment!
Please enter your name here