Home Comercio Ernst Mohamed di Camara di Comercio ta insisti cu Gobierno mester sigui...

Ernst Mohamed di Camara di Comercio ta insisti cu Gobierno mester sigui baha gasto

290
0
SHARE
- Advertisement -

ORANJESTAD(AAN): Pa algun luna nos tin un gobierno nobo. Decisionnan cu tin cu worde tuma, miembronan di Camara di Comercio tin un rol pa hunga. Entre otro cosnan cu ta bay drenta na vigor entrante 1 di Juli.

Ernst Mohamed a splica cu encuanto crisisheffing, Camara di Comercio a divulga cu ta bezig ta studiando tur e efectonan aki. Tin un comision cu ta traha riba belastingnan alternativo of pa reforma nos belasting. Pesey ta trahando hunto cu gobierno pa haci esaki.

Locual ta crisisheffing, tabata tin varios reunion den board y te ainda e punto di bista ta 50/50. No por duna un standpunt directo tanten cu e efecto di esaki ta bon studia y unda cu por bin cu un contesta fiho riba esaki.

Locual si ta e standpunt di Camara di Comercio ta y cu lo keda, pa e gobierno sigui baha gasto y pa e mantene su rumbo di mantene nan mes di e reglanan di CAft y tambe pa percura pa e efectonan di decisionnan cu worde tuma, no afecta comercio mucho mas.

Locual cu Mohamed a bisa di un otro banda, cu tin cierto cosnan cu ta pasando hunto cu comercio, unda cu por wak cu Camara di Comercio ta miembro di E-investment portal, unda cu nan ta bezig ta haci e lantamento di negoshi, tur e redtape, bira un tiki mas facil. A reuni hunto cu e comision aki pa varios tempo caba y e ta bayendo den e bon direccion. Ora tin mas informacion e presidente di e comision ey lo duna un relato mas amplio unda cu nan ta para.

Tambe Camara di Comercio ta parti di e area steering committee, unda cu tin cu bisa cu ta traha duro riba locual ta Oranjestad y San Nicolas, unda cu lo bin cu un model unda cu e dos areanan aki por rebiba y por uza e mesun modelo aki den otro areanan na Aruba cu tin mester di un push economico.

Camara di Comercio ta bezig hunto cu gobierno. Tambe nan ta bezig hunto cu ATIA pa discuti diferente standpunt y nan tambe ta di acuerdo cu semper y cuando e gastonan di gobierno ta keda un punto di combersacion semper, pero tambe alternativanan riba belasting. ATIA tambe ta druk bezig pa wak con por reforma y wak con por haci nos sistema di belasting mas simpel, pa asina e peso di e belastingnan aki ta worde minimalisa pa comercio, semper y cuando comercio ta esnan cu ta percura di e sector publico. Awor aki ta contento cu toch por haya un tiki espacio pa tin un voz den decisionnan pa loke ta belasting, decisionnan pa loke ta asuntonan economico y decisionnan cu ta bay afecta e rumbo unda nos ta bayendo.

Pa e parti ey si Camara di Comercio ta contento cu por ta parti di e comisionnan aki y ta trahando duro den e comisionnan aki. Señora Velthuizen y sr. Mohamed ta atendiendo tur reunion cu por tin di e comisionnan aki y ta percura pa nan worde guia y nan worde traha manera mester worde haci.

- Advertisement -

DUNA COMENTARIO

Please enter your comment!
Please enter your name here