Home Gobierno Esnan cu ta doño y cu ta maneha un crèche mester sa...

Esnan cu ta doño y cu ta maneha un crèche mester sa kico e ley ta encera

36
0
SHARE
- Advertisement -

Parlamentario drs. Lopez-Tromp:

ORANJESTAD (AAN) – E preguntanan cu e lider di Partido POR, drs. Marisol Lopez-Tromp, a manda pa Minister di Enseñanza, sr. Rudy Lampe, tocante e Ley di Creche, ta data di mas of menos Februari ultimo.

Asina e Parlamentario a menciona contestando un pregunta den rueda di prensa, Diamars mainta.

E parlamentario a indica cu despues a bin tratamento di Presupuesto, unda e mandatario a cuminza duna algun contesta, bisando cu e ta bay check esaki. Drs. Lopez-Tromp a señala cu e tema no solamente ta toca e parti di educacion, pero tambe e parti social y di salud.

Tur esaki tin di haber cu un centro di cuido pa mucha, y vooral awor cu mas enfasis ta wordo poni riba e Crisis Plan cu gobierno a aproba, y cu Parlamento a aproba un presupuesto di 17 miyon florin pa 2018, pa ehecuta e plan na bienestar di nos muchanan y e centronan pa mucha tin hopi importancia den esaki.

Nan ta e prome lugar unda e muchanan ta bay pafo di cas y ta wordo cuida ora mayornan ta traha, y cu por bisa cu ta manera un scol unda por prepara e muchanan pa despues bay Kleuter.

E preguntanan y haya contesta ta mes serio cu e Crisis Plan y e suma cu a wordo aproba pe, e dama a señala. Parlamento lo percura pa esaki wordo ehecuta, y gobierno a pone hopi enfasis cu lo hacie y e ta ehecutando esaki.

E parlamentario a expresa cu Aruba ta un pais unda ta conoci cu hopi mayor ta haci un of dos trabao, y esey ta nifica cu e responsabilidad aki ta wordo comparti a base cu un mucha ta bay un centro. Y den e caso aki pa hopi aña caba Aruba conoce e centronan aki y e ley a pasa e ley den Parlamento algun aña pasa, pa percura pa e aspectonan di seguridad, higiene, opleiding di e lidernan, e reglanan pa espacio, etc., y awor a yega momento pa e ta mara na un permiso. Pesey ta asina importante pa e minister duna di conoce con ley e ta cu esaki, y con e procedure ta bay cana en realidad pa esnan cu ta interesa y obliga di tin e permiso aki, sa kico ta spera nan.

El a puntra e minister tambe si el a reuni cu e doñonan di crèche pasobra e comunicacion ta importante, y pa nan tur ta na haltura kico e ley ta encera. Drs. Lopez-Tromp a señala Parlamento por pasa un ley y Gobierno ehecute, pero den practica esnan cu tin cu biba cu e ley y cumpli cune, ta importante pa nan sa, kico ta spera nan pa cumpli cune.

- Advertisement -

DUNA COMENTARIO

Please enter your comment!
Please enter your name here