Home Comentario Exonera fruta y berdura di BBO pa personanan cu ta sufri di...

Exonera fruta y berdura di BBO pa personanan cu ta sufri di sucu

71
0
SHARE
- Advertisement -

Sugerencia di un Diabetico:

ORANJESTAD (AAN) – Kizas no tur diabetico ta conciente di kico e malesa aki ta nifica ni ta haci caso di e hecho cu e por trece complicacionnan.

Pero si tin hende diabetico cu ta sigui instruccion di docter na pia di letra, y ta purba come di e manera mas saludable cu nan por, segun loke nan presupuesto pa alimentacion ta permiti nan.

Ya caba e costo di fruta y berdura ta asina halto cu e porcionnan diario a bira menos pa e diabeticonan cu ta cuida nan curpa. Nan no por rek e cartera mas pa sigui alimenta nan mes manera ta necesario.

Un pacient diabetico cu a reacciona tocante e caro cu fruta y berdura ta den tur supermercado, y incluso de fruterianan, ta haya cu e diabeticonan cu ta constant den nan control, cu ta sigui instruccion di docter, cu ta wordo atendi regularmente pa e enfermera specializa di WGK cu ta yuda e docternan, mester wordo exonera di paga BBO riba e productonan aki cu nan ta cumpra den supermercado of fruteria.

Podise nan por haya un carchi for di e verpleegster specializa pa mustra cu nan ta bao control di diabetes, pa nan mustra hunto cu nan ID of zorgpas ora nan ta bay haci compras y asina haya nan fruta y berdura menos caro, ohala na prijs di costo.

Esaki ta djis un sugerencia, pasobra e grupo di diabeticonan na Aruba no ta menos cu 10% di e poblacion y di e 10% ey posiblemente un 5 pa 6% (kizas hasta menos) ta cuida nan curpa y ta come saludable.

Pakico no duna nan un man? Si nan ta stop di cuida pa motibo cu no por sigui paga pa biba mas saludable posible, lo resulta mas caro pa gobierno pasobra tampoco nan lo por evita cu na dado momento complicacion ta bin, pasobra nan cuido di salud a baha.

Corda cu na Aruba e diabeticonan no ta haya e mihor remedinan cu tin. Ta haya esun di mas barta, cu cada pildora ta costa 15 cen. Pues ta di bon alimentacion mas tanto y ehercicio, nan ta sobrevivi.

- Advertisement -

DUNA COMENTARIO

Please enter your comment!
Please enter your name here