ORANJESTAD (AAN): Informacion di Caracas ta indica cu empleadonan di e conocido compania Plumrose, a haya informacion cu e fabrica di cuminda lo bay stop di funciona.
Ta via di Social Media, a bin haya sa cu e doñonan di e compania Plumrose a confirma cu e fabrica di sausage y ham a stop pa semper, y cu nan lo bay haci pago di prestacionnan social na e empleadonan.
Nan ta mustra cu despues di e candela registra na e fabrica di Cagua algun dia pasa, a produci un parti tecnico cu a cera e planta, pasobra nan no tin capacidad pa genera ganashi pa por haci reparacion.
Diamars mes, e trahadornan di Plumrose a tene reunion cu representantenan di Gobierno pa denuncia cu nan a haya nan retiro via text electronico, sin cu nan a haya sikiera e informacion cara-cara di gerencia.
Como 1.300 hende ta perde trabao aki.
