Home Comercio Fast Ferry lo crea un fluho di minimo 800 pasahero pa San...

Fast Ferry lo crea un fluho di minimo 800 pasahero pa San Nicolas

32
0
SHARE
- Advertisement -

Presidente di SNAB Andres Hernandez:

ORANJESTAD (AAN) – No obstante cu den oranan di atardi ayera mes, Asociacion di Comerciantenan di San Nicolas a tene un conferencia di prensa, e presidente di e organizacion señor Andres Hernandez, a accede na un peticion di prensa pa hiba palabra.

Esaki Diahuebs mainta durante e rueda di prensa yama pa Minister di Transporte, Comunicacion y Sector Primario, relaciona cu e proyecto di Fast Ferry y e beneficionan cu e lo trece pa e Distrito di San Nicolas.

Sr. Henriquez a cuminza pa señala cu no ta secreto pa bisa cu haci comercio na San Nicolas, ta dificil.

Pero nan ta bay presenta un vision Diamars venidero durante e encuentro na Teresita Center, unda cu e fast ferry ta un tema importante. Incluso den nan directiva, ta sinta un di e personanan cu ta pertenece na CASUS group, cu ta esun encarga cu estudio y desaroyo.

Ta importante pa compronde cu e vision cu nan ta bay presenta Diamars, no ta enfoca si Aruba tin refineria of no.

“Increible pero cierto, nos tin un grupo nobo cu tin un concepto uza mundialmente, y cu ora nos a presente na Prome Minister cu hopi agrado el a bay hopi di acuerdo cu loke nos tabata tin.

Tras di e ferry nos tin poco mas di cinco aña y sigur nos ta pensa cu un di e puntonan principal di e vision ta bay ta e ferry.

Nos ta papiando di un fluho di minimo 800 persona drentando y saliendo ora e fast ferry lo ta den funcionamento. Nos ta papiando di un comunicacion comercial entre e islanan cu aworaki ta dificil pa e comerciante medio, door cu bo por yega Curacao unicamente cu container, pagando hopi placa”, sr. Hernandez a expresa.

Cu e fast ferry e proceso aki lo ta mas simple y mas barata pa e islanan ABC.

Mescos pa turismo. Hernandez a señala cu e proyecto di fast ferry lo ta un bendicion pa San Nicolas.

“Ora cu bo tin pisca ta core y bo no sa con pa pone e net, bo no ta pisca. Asina ta pa San Nicolas, y hunto cu nos y cu gobierno mi mester bisa, tin atencion na loke nos ta tratando di yega na dje, di traha e net ey y ora cu e hendenan yega na e isla di Aruba, nan tin kico pa haci na San Nicolas pa keda pariba”, Presidente di SNBA a señala.

- Advertisement -

DUNA COMENTARIO

Please enter your comment!
Please enter your name here