Home Comercio Fast Ferry lo trece un dimension grandi y positivo pa San Nicolas...

Fast Ferry lo trece un dimension grandi y positivo pa San Nicolas y henter Aruba

35
0
SHARE
- Advertisement -

Minister Chris Romero:

ORANJESTAD (AAN) – Fast Ferry no ta bay cay bao maneho di Aruba Ports Authority, e ta un proyecto apart. Asina Minister di Transporte, Comunicacion y Sector Primario a expresa, contestando un pregunta den rueda di prensa, Diahuebs mainta.

Kiermen, e proyecto aki no tin nada di haber cu APA, no obstante, segun e dignatario nan ta bay informe pa nan tambe ta mas na haltura di esaki, aunke nan sa caba y nan a doe mei na e rapport.

Tambe el a contesta un pregunta tocante e hecho cu e viaheronan por transporta nan auto via e ferry ora nan ta bishita un of otro Isla, y con e proyecto ta bay beneficia turismo y comercio.

E mandatario a indica cu via ferry por trece carganan. Por ehemplo, companianan multinacional por establece den un of otro isla. Awendia hopi biaha tin companianan cu ta ordo algo, pero e productonan ta tarda masha hopi mes pa yega, siendo cu si e ta establece den un of otro isla nan tin un volumen mas grandi di consumidornan, unda cu nan por establece y via e ferry aki por yega na e destino cu nan ordo y na un prijs mas barata.

E mandatario a subraya cu ainda no tin un prijs fiha pa e trip pero si lo ta mas economico cu via avion, y lo haci e negoshi mas atractivo pasobra gastonan ta baha.

Ademas lo tin personanan cu ta sali mainta bin atende reunionnan na un of otro isla, y bay bek atardi.

Y ademas di fomenta e turismo Aruba, Bonaire y Curacao tin lazonan familiar, y hopi biaha nan no ta wak nan famia pasobra si ta un famia di cinco persona pa bula bay, y e pasashi ta costa 500 of 600 florin ya tin un gasto di 3000 florin. Pero si ta haci e viahe pa un fraccion di e suma aki, por ta ni 300 dollar compra cu 3000 florin, e ta haci un diferencia hopi grandi.

Ademas di mara mas e lazonan familiar door di por viaha mas bez, tambe por crea diferente otro aspecto. Door di bisa so cu tin un proyecto asina y cu gobierno ta para su tras, e inversionistanan ta cuminza wak na unda nan por inverti pariba di brug na San Nicolas.

Pues sigur e ta bay trece un efecto positivo y lo crea otro pilar economico. Incluso riba tereno di agricultura, segun e mandatario, lo por haci negoshi cu agricultura interinsular. E proyecto aki lo trece un dimension grandi y positivo, segun e dignatario.

- Advertisement -

DUNA COMENTARIO

Please enter your comment!
Please enter your name here