Home Enseñanza Feria di Papiamento a demostra un necesidad

Feria di Papiamento a demostra un necesidad

13
0
SHARE
- Advertisement -

ORANJESTAD   (AAN):  Dia 19 di mei a tuma luga e Feria di Papiamento, cu pa hopi hende a resulta un sorpresa grandi. E feria aki a mustra nos pueblo kico por y ta haci cu Papiamento, den enseñansa y den sector cultural, social y economico na Aruba.

E feria tabatin un contenido hopi varia, di wega di mucha te charla y les di Papiamento, di wega di mesa te pelicula na Papiamento, exposicion di buki di les na Papiamento, benta y presentacion di tur sorto di buki, poesia y storia. Banda di tur esaki por a gosa di arte, artesania, musica, baile y cuminda, tur di nos dushi tera.

E hendenan a gosa, canando di un actividad pa e otro den un ambiente masha agradabel mes. Fundacion Lanta Papiamento ta sumamente contento, orguyoso y satisfecho cu e evento aki. Pueblo a pidi pa ripiticion.

Pa e feria a logra, a haya bon cooperacion di hopi persona y instancia. Ta na su luga pa gradici nan tur pa e gran trabou cu nan a haci. Ora FLP a acerca nan, mesora, sin pensa dos biaha, nan a declara cu pa Papiamento, nos lenga nacional, nan ta haci tur cos.

E instancianan cu nos kier gradici ta: Departamento di Cultura Aruba, Fundacion Museo Arubiano, Museo Historico, Departamento di Enseñansa, Enseñansa Profesional Basico, Maria College, Biblioteca Nacional Aruba, Archivo Nacional Aruba, Grupo di Corector di Papiamento, Cosecha/Craft, Comision Promove Cultura, Fundacion Muchila Creativo, Fundacion CineAruba, UNOCA, De Wit/Van Dorp, Stimaruba, Fundacion Rancho, Tai Chi Taoist Center, Plan D2, Cruz Cora, Censo, KPA, DOW, DIP y SERLIMAR. Nan cooperacion tabata fenomenal.

E siguiente personanan tabata hopi balioso den organisacion di e diferente actividadnan y nan merece un danki masha grandi mes pa nan afan y creatividad y pa e tempo cu nan a hinca den e preparacion, un dedicacion di curason: Bertha Wolff cu a percura pa e programa musical, John Freddy Montoya y Lupita Bernabela cu a tuma encargo di e weganan di mucha di antes, Frank Williams y su ekipo cu a organisa e weganan di mesa cu tabata masha exitoso mes, Rubia Bernabela cu tabata encarga cu contamento di storia na Fort Zoutman, Audrey Tromp-Wouters y Angelique Maduro di DEA cu a pone un exposicion di kita sombre pa mustra cuanto material tin na Papiamento, Bob Nieuw y su team cu a percura pa e setup di bar y e trabou den bar di FLP.

FLP ta gradici tambe e autor- y poetanan cu a demostra e rikesa di Papiamento den nan obra: Padu Lampe, Philomena Wong, Selvia Lumenier, Romulo Fingal, Irmgard Frans, Frank Williams, Ruthy Vrieswijk. Y nos no mester lubida esnan cu a prepara les y charla: Cesar Kelly, Candy Dirks, Ramon Todd Dandaré, Pedro Velásquez, Merlynne Williams, Régine Croes y Angelique Maduro.  E lista di contado di cuenta, declamado di poesia, musico, cantante, bailado, artesano y artista plastico cu a deleita nos cu nan talento ta asina largo cu ta imposibel pa menciona tur, pero FLP ta gradici nan di curason y ta desea nan hopi exito cu nan arte.

Tabatin tambe hopi boluntario cu a yuda durante feria; den tur skina nan tabata. FLP ta gradici nan inmensamente pa nan contribucion cu a yuda pa tur cos cana lo miho posibel.

tin cu duna gran elogio na nos comunidad cu a presencia na gran escala cada actividad den e feria y cu a gosa di e ambiente festivo. Boso presencia a yuda crea un ambiente unico cu ta bal la pena pa ripiti. FLP lo haci tur su esfuerso pa otro aña por celebra Feria di Papiamento number dos.

 

 

- Advertisement -

DUNA COMENTARIO

Please enter your comment!
Please enter your name here