Home Cultura Fiesta di San Juan cu Dera Gai na Centro di Bario Playa...

Fiesta di San Juan cu Dera Gai na Centro di Bario Playa Pabao cu Rincon Boyzzzzz

26
0
SHARE
- Advertisement -

ORANJESTAD  (AAN) —  Diadomingo, 24 di juni, directiva di Centro di Bario Playa Pabao ta organisa e fiesta di San Juan cu nos Dera Gai den su Centro. E actividad aki ta cuminsa merdia pa 2’or cu un torneo di domino y benta di cuminda. E actividad ta termina anochi pa 11’or.  Ya tin algun siman directiva ta preparando pa e actividad aki y tin diferente grupo cu a confirma nan participacion e.o. Kids 2 Kids dancers, Candy Dancers, Kids and Youth y Accion, Grupo di San Juan di Imelda Kleuterschool y Anglo Kleuterschool y naturalmente e Grupo Folclore di Santa Cruz bou di direccion di sra Lia Lopez. E musica ta den man di Rincon Boyzzz. Bar y cushina ta bon surti y no ta cobra entrada. Directiva di Centro di Bario Playa ta desea e pueblo di Aruba un dushi dia di San Juan y ta invita nan pa participa activamente den e celebracion aki. Laga nos proteha nos fiesta cultural di San Juan pasobra si nos mes no haci’e ningun hende lo haci’e pa nos. Directiva di Centro di Bario Playa Pabao tambe ta hasi un suplica pa no kima mondi y asina destruyendo nos naturalesa. Pues diadomingo 24 di juni nos ta topa na Centro di Bario Playa Pabao pa celebra e fiesta di San Juan cu nos Dera Gay.

- Advertisement -

DUNA COMENTARIO

Please enter your comment!
Please enter your name here