Home Cultura Fundacion Museo Aruba a presenta su vision na Minister Guilfred Besaril

Fundacion Museo Aruba a presenta su vision na Minister Guilfred Besaril

52
0
SHARE
- Advertisement -

ORANJESTAD  (AAN):  Durante un paseo informativo Fundacion Museo Aruba a haya e oportunidad di haci un presentacion cortico na Minister Plenipotenciario na Hulanda Sr. Guilfred Besaril di e vision cu tin pa museonan tanto na San Nicolas como na Playa.

Den un ambiente hopi ameno, e mandatario a participa den un tour cu a cuminsa na Museum of Industry unda cu a mustra con e museo ta haci su presentacion na publico local y turista. E tour a wordo duna dor di e curator Sr. Renwick Heronimo. Un tremendo presentacion y splicacion amplio kico tur e museo ta representa. Presente tambe tawata e president di FMA su board Sr. Lincoln Gomez.

Durante e tour a pasa riba henter e historia di Aruba su industria y a termina den un demostracion den e toren con museo ta promove nos historia den un forma moderno y digital.

E tour a continua na Nicolaas Store y Mundi Restaurant, caminda e mandatario a disfruta di bebidanan natural y un cuminda netamenta arubiano. E presentacion na Mundi ta pone enfasis riba mantene nos cultura y herencia bibo den curason di San Nicolas.

Anky Vrolijk, Directora di FMA a elabora cu e idea di e bishita aki ta pa wak den futuro con por traha hunto den e tereno di experticio pero tambe pa wak den ki forma Fundacion Museo Arubano por haya fondo di Europa cu ayudo di Aruba Huis.

Asina aki FMA ta traha sin descanso pa sigui pusha nos museonan y e interes pa bishita nos museonan den nos comunidad pa promove nos cultura, herencia y historia.

- Advertisement -

DUNA COMENTARIO

Please enter your comment!
Please enter your name here