Home General Gobierno a pone stop na proyecto di molina na Alto Vista

Gobierno a pone stop na proyecto di molina na Alto Vista

226
0
SHARE
- Advertisement -

ORANJESTAD (AAN): Molina di biento pa genera coriente, ya no ta asina popular mas.  Nan ta costoso, ta exigi hopi mantencion, y ta un mahos bista den wowo di hopi hende.  Nan ta genera sonido, y ta peligro pa parha.

Awor ta panelnan solar ta conquistando mercado, y pa colmo nan prijs a cay formidable, y tin algun panel di cual e eficiencia ta mucho mihor compara cu 1 aña pasa.

Awor Habitantenan di Noord por ta trankil.  Desde Hulanda, Prome Minister Evelyn Wever-Croes a ricibi e bon noticia cu Gobierno a dicidi di para e proyecto di Urirama. Despues di deliberacionnan extenso riba e proyfecto di Urirama, Gobierno di Aruba a hala aden e hindervergunning cu a worde duna na Windpark Urirama NV.

Segun e mandatario principal, ta su Partido MEP mes a bin cu e parke di molina di Vader Piet bou otro liderasgo e tempo ey. Pero nos no ta di acuerdo cu kier a sacrifica e area bunita y importante di Urirama pa e meta aki.

“Pues habitantenan di Noord especialmente den e area di Alto Vista por ta trankil. Lo no bin molina di biento asina cerca di cas y Alto Vista ta keda un area protehi caminda nos cada un por bay busca pas”.

Premier Wever-Croes a informa cu mientras tanto expertonan di nos pais lo sigui busca e mescla ideal di energia pa Aruba cu ta cumpli cu e vision di nos Gabinete Wever-Croes: Reliable Affordable & Sustainable. Gabinete Wever Croes ta sigui kere den energia alternativo. Vision di Gobierno actual di Aruba ta cu pueblo mester por conta riba awa y coriente sostenible y duradero. Pueblo mester por pag’e. Esaki ta prioridad di Gobierno di Aruba.

- Advertisement -

DUNA COMENTARIO

Please enter your comment!
Please enter your name here