Home Gobierno Gobierno mester pone mas atencion riba plan di innovacion

Gobierno mester pone mas atencion riba plan di innovacion

6
0
SHARE
- Advertisement -

Parlamentario Setty Christiaans-Yarzagaray

ORANJESTAD (AAN): Durante conferencia di prensa di partido MEP, Parlamentario Sra. Setty Christiaans-Yarzagaray a splica cu den simannan cu a pasa, tabatin diferente reunionnan di gobierno y sector priva riba topico di innovacion. Ta asina cu team di innovacion a atende un seminario, na unda a kick-off den ki direccion gobierno kier bay cu e topico aki.

Como parlamentario e ta haya e topico aki sumamente importante, pasobra nan kier tin un vision, un plan den cuadro di innovacion, con gobierno mes por sali beneficioso di esaki. E ta trece e punto aki dilanti, como cu el a traha den departamento di gobierno cu e sa cu no ta hopi placa a wordo inverti. Naturalmente nan tabata haya equipo nobo, pero placa tabatin reserva pa cierto necesidadnan. E ta pensa cu gobierno mester aloca placa den e cuadro di innovacion.

Un plataforma amplio a bin hunto y a determina e direccion di kico ta importante, como gobierno mester dirigi e pais den un direccion, pero naturalmente posibilidad di financia cierto proyectonan ta limita, mientras cu mundo ta sigui draai, tecnologia ta sigui avanza. Y tur hende sa cu gobierno no por competi cu sector priva den diferente area, y esaki ta causa cu nan no por keda ‘on top of things’ mescos cu sector priva. No obstante, como gobierno bo ta duna servicionan diferente na un sector priva, ta sumamente importante pa keda tecnologicamente den mesun nivel.

Segun e parlamentario, ta lamentable cu sector di gobierno no por uza cierto tipo di sistema moderno, of tecnologia y metodo pa un motibo of otro. Esaki ta den linea den proyecto di SDG (Sustainable Development Goals) di Nacionnan Uni, cu tambe ta bisa cu leynan no ta permiti pa gobiernonan haci cierto cosnan compara cu sector priva. Esaki ta nifica cu nan lo mester cambia varios ley pa haci esaki posibel.

Como parlamentario e ta haci un apelacion na gobierno pa haci un estudio riba posibilidadnan pa cambia cierto leynan pa trece mas innovacion den e sistema.

- Advertisement -

DUNA COMENTARIO

Please enter your comment!
Please enter your name here