Home Gobierno Gobierno no por otorga permiso pa desaroya Zoetry Resort na Isla di...

Gobierno no por otorga permiso pa desaroya Zoetry Resort na Isla di Oro

147
0
SHARE
- Advertisement -

Dia 14 di Juni gobierno a notifica e real estate:

ORANJESTAD (AAN) – Minister di Infrastructura, Medio Ambiente y Desaroyo Territorial, a hiba palabra den conferencia semanal di prensa di Gobierno, Dialuna mainta.

E mandatario a elabora riba e proyecto Isla di Oro y tambe riba e Caso di Lands Aruba contra sr. Williams.

E prome tema cu e dignatario a toca ta e proyecto di hotel na Isla di Oro, y el a bisa cu esaki ta un proyecto cu pa basta aña y ultimamente pa lunanan y simannan tabata tema di combersacion den nos comunidad.

Manera a wordo splica den diferente ocasion, Gobierno di Aruba a pidi diferente conseho di departamentonan concerni, y dia 3 di Juni ultimo a ricibi e advies di Departamento di Infrastructura y Planificacion (DIP), y prome cu esey, dia 28 di Mei, a ricibi e conseho di e Departamento di Directie Natuur en Milieu (DNM) den cuadro di e documentonan cu a wordo entrega pa e desaroyadornan.

Dia 14 di Juni ultimo, Gobierno di Aruba a notifica e compania cu kier a desaroya e proyecto Zoetry Resorts na Isla di Oro, cu a base di tur e puntonan cu a bin dilanti, Gobierno no ta mira cu na e momentonan aki e area aki ta adecua pa dicho proyecto.

Esaki no ta kita cu e proyecto aki ta interesante pa nos pais, e mandatario a expresa, y e desaroyadornan a mustra interesa si tin un otro posibilidad pa por desaroya un tipo di proyecto asina.

E den pasado y e actual minister di Turismo sr. Dangui Oduber, tambe a mustra su sosten pa e tipo di proyectonan asina, cu lo crea un mercado nobo pa nos pais, pero despues di a haci solicitud pa diferente conseho, a base di e ley ROP y a base di e rapport cu a wordo entrega na, entre otro, na Departamento di DNM, a constata cu e lugar aki no ta adecuado pe.

Ademas gobierno a mustra riba e hecho caba cu no ta bay cambia ROP pa acomoda proyectonan, pero mas bien ta bay cambia ROP pa tin un ley cu ta garantiza cu den e proximo diez añanan por tin un maneho teritorial cu ta fortalece e pensamento, vision, y maneho di Gabinete Wever-Croes.

Fuera di esey, den e simannan nos dilanti gobierno lo ta entregando e landsbesluitnan necesario pa conseho na Raad van Advies, encuanto e 16 areanan cu ta wordo proteha, entre nan e Parke Marino cu ta un compromiso cu Minister Otmar Oduber mes tabata tin e honor di a cuminza pa sigui, pasobra e proyecto aki pa Aruba tin casi 30 aña pendiente, pero aworaki poco, poco lo pone riba aceleracion pa por ta sigur cu e lo por drenta na vigor e aña aki ainda.

Den bista di e plannan cu tin y e areanan cu tin proteha den e Aruba Marine Park, e area di Isla di Oro y tur e awanan rond di dje, ta cay bao di e proteccion di e parke marino aki.

Cu otro palabra, tur e consehonan, e parke marino y e maneho di gobierno ta haci imposible pa un proyecto manera Isla di Oro Zoetry Resorts por wordo desaroya.

Nan a mustra e desaroyadornan cu gobierno ta serio pa loke ta concerni e ley di ROP y e 16 areanan proteha y e creacion di Aruba Marine Park.

A sugeri e desaroyadornan pa busca otro lugar pa e proyecto y lo bay busca otro sitio unda e naturaleza di nos pais y proteccion di nos medio ambiente por permiti pa esaki tuma lugar, e dignatario a indica.

- Advertisement -

DUNA COMENTARIO

Please enter your comment!
Please enter your name here