Home Actividad Especial Haciendo actividad fisico bo ta sinti miho y bira mas productivo

Haciendo actividad fisico bo ta sinti miho y bira mas productivo

20
0
SHARE
- Advertisement -

ORANJESTAD(AAN): IBiSA ta hopi contento cu hopi hende ta haci actividad fisico. Den e caso aki ta papia den e parti di caminata y coremento den e ultimo temponan, cu por a mira cu e participacion a subi den esaki. Mas hende ta bira mas conciente di e importancia di haci actividad fisico, pa loke ta mantene un peso saludabel segun Edgar Erasmus di IBiSA.

No solamente esey, sino tambe bo lo sinti bo mes mas miho cu bo por concentra mas miho. Esaki a keda demostra cu muchanan cu por concentra bon, nan cifra di school tambe ta bay bira mas miho. Tambe pa e otro hendenan cu ta traha, den e caso aki, ta bay ta mas productivo na trabao. Un actividad fisico den un solo palabra, tin un influencia grandi riba salud di un hende.

Espacio pa recrea:

Segun Erasmus e area tambe ta importante. Mas atractivo e ta pa un hende, mas e ta stimule pa bay haci movecion tambe. Tambe e parti di siguridad, un hende cu kier haci actividad fisico, mester por sinti su mes sigur. Si e por bay den un parke unda cu no tin auto of otro cosnan cu por strob’e pa e haci su actividad fisico, ta importante pa por motiva nan pa nan por haci actividad fisico.

Deportenan mas suave:

Tin diferente tipo di deporte. Tin deportenan di contacto, manera futbol. Pero tambe ta exigi hopi condicion fisico. Tin un diferencia entre tiponan di deporte cu un hende por haci. Pero en todo caso haciendo deporte ta importante y tur cu nan diferencia den e intensidad di e entrenamento.

Deportenan recomendabel:

Tur deporte ta importante. Pa e hendenan cu kier pa actividad fisico un deporte di coremento, canamento ta esun di mas facil pa haci. Otro deportenan ta exigi cua parti tecnico y tactico hopi mas. No mester descarta cu den canamento y coremento e parti tecnico ta hunga un rol importante. Si bo no tin e parti aki bao di control, bo por haci daño na bo curpa.

Si hendenan no haya guia, nan por lesiona nan mes. Pero di parti di IBiSA, Erasmus a splica cu nan a cuminsa cu un programa despues di merdia, bao di guia di profesionalnan, pa guia muchanan den cierto ramonan di deporte y siñanan e tecnicanan corecto pa nan no haya lesion, Erasmus a enfatisa.

- Advertisement -

DUNA COMENTARIO

Please enter your comment!
Please enter your name here