Home Economia Haya sa e motibo berdadero di subida di prijs di gasolin

Haya sa e motibo berdadero di subida di prijs di gasolin

97
0
SHARE
- Advertisement -

ORANJESTAD (AAN): Prijs di gasoline ta subiendo mundialmente. Esaki ta un desaroyo cu tin tur gobierno di tur pais rond mundo hopi preocupa. Tur pais, primordialmente ta culpa e gobierno di e pais pa e subida di prijs actual. Y pa straño cu por zona, e momento cu bin un caida den prijs di gasolin, niun gobierno ta worde duna e credito pa esaki.

Ki influencia politica gubernamental tin den subida di gasolin? Gobierno di un pais tin un limite te unda nan por interveni of influencia prijs di gasolin?

Prijs di gasolin ta core paralelo cu prijs di crudo. Esaki kiermeen cu si prijs di crudo internacional subi, prijs di gasolin tambe ta subi.

   Na principio niun gobierno di ningun asignatura politico por interveni riba e subida di prijs di gasolin mescos cu e no tin influencia riba e prijs di crudo tampoco. Gobierno no tin culpa riba subida di prijs di crudo tampoco gobierno por tin influencia riba subida di prijs di gasolin. Esaki ta debi tambe na e manera cu e prijs di gasolin ta worde calcula.

   Un representante di Platts Analytics ta indica cu e merdado di crudo ta pasando den e “cambio di mas grandi den historia di mercado petrolero” cu lo conduci na pusha prijsnan halto. E ta considera tambe cu esaki ta bay ta e cambio mas perhudicial pa e industria di refinacion di historia, esaki segun e pagina online oilprice.com.

   Riba e pregunta si Gobierno di Aruba por influencia riba e subida of bahada di prijs di gasoline, e contesta ta keda na principio no, pasobra e prijs di crudo mundialmente ta fiho ademas di e sistema cu e prijs ta worde calcula aki pa hopi aña cu no a worde cambia.

   Un gobierno cu ta maneha su pais cu sinceridad, ta husto cu su pueblo. Esaki ta e caso di Gobierno actual. Gobierno di Gabinete Wever-Croes a toca e mala suerte cu prijs di crudo ta subiendo mundialmente den su prome lunanan di gobernacion. Esaki a pone cu prijs di gasoline a subi.

Sinembargo, no por bisa mescos di e Gobierno anterior di AVP cu si experiencia rebaho drastico di prijs di crudo durante nan gobernacion y sinembargo door di nan mal maneho a kibra regla y ora cu prijs di crudo a baha mundialmente, toch na Aruba nos a conoce subida riba prijs di gasolin.

   Gobierno di Aruba ta convivi cu e pueblo den e situacion aki y ta haciendo tramitenan pa cambia e forma di calcula prijs di gasolin na Aruba.

- Advertisement -

DUNA COMENTARIO

Please enter your comment!
Please enter your name here