Home Comercio Haya sa mas tocante e Fast Ferry durante un reunion na Theresita...

Haya sa mas tocante e Fast Ferry durante un reunion na Theresita Center diamars 26 juni

28
0
SHARE
- Advertisement -

Minister Romero ta invita

ORANJESTAD (AAN) – Minister di Transporte, Comunicacion y Sector Primario señor Chris Romero, tabata na encargo di e conferencia di prensa di Gobierno, Diahuebs mainta.

E tema riba cual e dignatario a enfoca ta e Fast Ferry, un proyecto cu ta mustra di ta basta avanza caba. E miembronan di Asociacion di Comerciante di San Nicolas, sres. Andres Hernandez y Rafael Estrada, tabata presente.

Na prome lugar, e dignatario a haci un invitacion pa dia 26 di Juni acudi na Theresita Center pa 7’or di anochi, unda el a wordo invita door di San Nicolas Business Association, pa duna un tiki update tocante e proyecto di fast ferry.

Den e mesun ocasion aki SNBA lo presenta su plannan pa e Distrito di San Nicolas, unda lo elabora riba diferente aspecto cu por mehora e calidad di bida di e ciudadanonan pariba di brug, sin cu mester haci inversionnan grandi, pero cosnan simple cu mester duna siguimento, y cu sigur tin valor y ta un empuhe pa e economia di e distrito di San Nicolas.

E mandatario a expresa cu e personanan cu kier sa un tiki mas tocante kico ta sosodiendo tocante e fast ferry, ta cordialmente invita pa asisti na Theresita Center pa 7’or di anochi, Diamars 26 di Juni awor.

- Advertisement -

DUNA COMENTARIO

Please enter your comment!
Please enter your name here