Home Policial Homber asesina den un tienda na Rotterdam

Homber asesina den un tienda na Rotterdam

526
0
SHARE
- Advertisement -

ORANJESTAD (AAN): Segun informe procedente di Hulanda, Diasabra atardi a tuma lugar un caso serio na unda un homber a worde tira cu consecuencia serio.

E sucedido a tuma lugar na Rotterdam.  Segun informe e dos hombernan a haya problema cu otro debi aparentemente pa medio di discusion dilanti un tienda den Riederlaan y e discusion a continua den e tienda.

Na dado momento un di e hombernan a saca arma candela y a tira esaki cu consecuencia e homber di 46 aña a worde herida.  E sospechoso mes a sali for die tienda na careda.

Pero e sospechoso no a haya chance pa huy debi cu den cercania tabatin polisnan a causa tira y nan a bay den e direccion y nan a logra detene e sospechoso cu ta un homber di 26 aña.

Mientras e polisnan a alarma nan coleganan na Warda pa dirigi mas unidad na e lugar mientras ta trata di reanima e victima practicando CPR, pero el a fayece un rato despues di e herida di bala.

Ta trata di un homber di 46 aña. Investigacion a inicia pa determina kico exacto a tuma lugar.

Mientras segun version famia di e homber a worde notifica pa e informe tristo aki. Parce cu e homber lo tin famia na Antiyas probablemente na  Curaçao. Paz na su restonan y forza na e famia.

- Advertisement -

DUNA COMENTARIO

Please enter your comment!
Please enter your name here