Home Comercio Hopi iniciativa pa desaroyo di San Nicolas den pasado tabata bon pero...

Hopi iniciativa pa desaroyo di San Nicolas den pasado tabata bon pero nan a keda riba papel

15
0
SHARE
- Advertisement -

Mario Croes di San Nicolas Business Association

ORANJESTAD   (AAN):   Plannan di San Nicolas Business Association riba corto plazo lo trece desaroyo pa San Nicolas, pa cual Mario Croes di SNBA ta splica.

Despues di un evaluacion den directiva di SNBA a constata cu tur e iniciativanan den pasado, tabata iniciativanan bon, pero desconecta cu otro. Banda di esey, hopi di nan no a wordo ehecuta pero a keda riba papel.

A dicidi cu si kier haci algo diferente awo, e ta un plan cu ta acapara e totalidad di San Nicolas. Pero na caminda a tuma nota, cu e desaroyo ta di San Nicolas no mester ta los di un desaroyo di Aruba. Esey ta bay man den man. E titulo principal ta bisa: ‘San Nicolas, City of Innovation and Culture’: con pa hiba Aruba na e nivel cu e participa den economia global, haciendo San Nicolas, un ciudad di inovacion y cultura.

SNBA ta uza cierto conceptonan y e concepto ta con pa crea polonan di crecemento. E ta un concepto cu ta wordo uza den geografia. E ta un actividad economico cu ta trece un multiplying effect. E punto cu nan kier bin cun’e ta, con ta bay crea cierto polonan di crecemento cu tin un multiplier effect positivo pa San Nicolas.

Por ehempel, si tuma San Nicolas su existencia, e refineria a trece crecemento economico di e ciudad. Na Noord, e multiplier a bin door di e hotelann. Dus si kier bin cu algo similar na San Nicolas, e pregunta ta kico mester bin cuné, pa crea un multiplier effect ariba tereno di inovacion y cultura. E activador ta un universidad na San Nicolas, cu tin su centro di conocemento cu electoradonan. Na cuminsamento di e rapport ta constata cu Aruba no por sigui mas manera e ta. E comunidad ta tranca ariba diferente tereno. Tin solamente un pilar economico y esey no ta bay cubri nos gastonan como comunidad.

Esey kiermen, cu como sociedad, mester bin cu algo nobo. P’esey a pensa, kico por bin cun’e, cu nos por ofrece e mundo eyfo, un balor cu e mundo eyfo por tin interes den Aruba. Ora cu bisa cu e plan di San nicolas cu e ta acapara henter Aruba, esaki ta locual nan tabata kiermen.

Ariba e tereno di inovacion, haci di IPA, e universidad cu su centro di conocemento. E mester tin su klusternan, es decir, e ta bin cu lectorado riba malesanan di estilo di bida. Esey ta locual cu e puebli di Aruba ta sufri di dje. Mayoria di nos malesanan, ta bin di nos estilo di bida, presion halto, curason, diabetes, etc.

Mester pone instancianan cu tin na Aruba caba, hunto bou di e lectorado y haci investigacion al caso di e comunidad. Tur loke e centro di conocemento ta bay investiga tin di haber cu problemanan di Aruba. Pero cu condicion cu e solucion cu ta bin cun’e, mester ta solucionnan innovativo cu nos por exporta como conocemento di Aruba.
Esey por ehempel, ariba malesanan di estilo di bida, ta pone hunto AZV, Wit Gele Kruis, ImSan, ya cu esey ta birando un di su specialidanan. No ta inventando e wiel, ta coy difernte organisacion y actividadnan cu ta tumando luga den e pais aki, pone nan hunto cu’n meta, un meta defini y cu den cierto tempo esaki ta loke ta wordo spera di nan.
No ta papiando di hotel of atraccion turistico como tal. A pone cierto punto di salida den e national transformation map, loke Aruba mester awo. E punto di salida ta, Aruba ta un isla cu territorio limita y poblacion limita.

Saliendo for di e ROP, cu ta basa ariba un ley di 2009, y basa ariba loke gobierno ta bisa, di e sustainable development goal di UN, cu ta metanan pa haci bo mes sostenibel, cu bo nietonan por disfruta di e pais aki.

E ora mester wak ki sorto di empresa kier atrae, riba tereno di innovacion y cultura. No mester tuma mucho espacio, no mester di cheap labour, pa cual mester bay importa. Loke kier ta pa nan bin cu innovacionnan, of cu potencial pa bira parti di nos comunidad y yuda nos comunidad bay na e siguiente nivel, cual ta salario halto. Y no bin pa susha e pais tampoco. Un di e condicionan ta cu e refinera, si e wordo rehabilita e ta bin cu filter y scrubbers cu e no lo contamina e medio ambiente e di ciudad mas. No ta exclui esaki, ya cu e no ta den man di SNBA.

E universidad cu su centro di conocemento, lo bay traha ariba problemanan di comunidad, pero ta inclui organisacionnan di Aruba, cu tin conocemento. Pero awo tur ta fragmenta, desorienta. Pero e universidad lo mester trece solucionnan innovativo cu por wordo exporta pa exterior. Y esaki lo por trece movecion den San Nicolas y esaki ta ariba tereno di innovacion, cu e comunidad ta bay na un nivel mas halto, cu por ofrece algo na economia mundial, segun Sr. Mario Croes, di SNBA.

 

- Advertisement -

DUNA COMENTARIO

Please enter your comment!
Please enter your name here