Home General Hortamento di bestia a cuminsa bira un Free for All

Hortamento di bestia a cuminsa bira un Free for All

324
0
SHARE
- Advertisement -

ORANJESTAD(AAN): E informe di hortamento di cabrito, y bendemento ilegal di carni den Supermarket, a haya atencion e siman aki na Aruba.

Un persona local, Jorge Cardenas tin basta tempo cu e ta cria bestia, pero nan tabata horta su bestianan. El a splica cu e tin 100 y pico bestia. Nan ta hort’e, pero nunca tabata bay autoridad.

Mirando cu un di e amigonan criador nan a horta su bestianan, e tambe a bay pa duna sosten. E mes ultimo a baha man completo na criamento di bestia. El a baha te na 30 y pico bestia. Ainda awo nan a horta 2 di dje. Cachonan tambe ta bin mata bestia y ningun hende ta bin yuda cu nada.

Si nan haya sa ta ken, tin biaha nan ta haya gana di regla cuenta, pero no por. Tin cu tene cuenta cu famia y no por haci e cosnan aki.

E ta pidi pa autoridad bin yuda, pasobra manera cu ta wak aki ladronnan ta worde proteha pa autoridad y nan ta cla pa sigui horta. Y e criadornan mes nada. Nan ta keda sufri.

Na Aruba, tur bestia cu worde mata na abattoir ta haya un stempel y carchi, segun Sherman Libiee, kende tambe ta un criado di bestia y tin conocemento di e materia. Bo ta contribui na gobierno y esey ta un prueba cu e bestia a worde mata na abattoir. Tur bestia ta worde gestempel. Bo ta mira e bestia gestempel, skirbi Aruba riba dje, etc.

Na Aruba, ora di mata via Abattoir, Keurmeestar sa haya cierto malesanan cu cabrito tin. Pues tin di e malesanan aki por haci hende malo. Esey ta e peligernan cu bo ta hiba ora cu hende mata bestia clandestino. Pero malesa tin hopi cu por haci hende malo.

Den pasado el a yega di menciona cu criamento di bestia na Aruba a bira algo hopi dificil, hopi duro. Criadornan actualmente tin hopi contratiempo na Aruba. Contratiempo cu cacho, cu ladron, cu bisiña, cu husticia. Pa bo cria un bestia awendia na Aruba, no ta nada facil. Problema cu ta biniendo hopi dilanti cu bo ta haya hende criando bestia, nan a tuma cunucu over di nan famia, cu ta riba 100 aña, bo ta bin haya hende cu ta bin biba den mondi, despues nan ta cuminsa keha cu bestia ta molestia nan y ta haya hopi di e hendenan ta disgusta. Hopi biaha e hendenan aki ta pone un abogado riba criadonan di bestia y mayoria di nan no tin modo di paga un abogado pa bringa nan caso. Bo ta haya cu e hendenan aki ta bende tur e bestianan na prijs abao pa sali for di nan, pasobra nan no kier problema.

Esey ta cosnan cu ta haci criamento di bestia na Aruba hopi dificil awendia. Ta un man chikito tin y a yega ora cu mester cuminsa worde defendi, proteha, pasobra si mira bon, ta algo positivo nan ta haciendo. Ta un grupo jong cu tin ainda cu ta criando bestia. A yega momento, pasobra awo, delaster tempo a bira manera un free for all e hortamento aki. Un hende ta horta bestia mescos ta di nan e ta. Ta tende hende ta yama abattoir, pero nan no ta yega, pasobra ta bestia horta nan ta. Ta mescos cu ta horta un auto, no ta hib’e keuringslokaal.

E ora e bestianan ta worde mata clandestinamente.

Mensahe tin, segun Libiee. A laga bon cla ki tur mester pone atencion ora cu un hende bin bende nan carni. Carni mester tin stempel y mester tin un carchi. Si bo tin bo carchi y stempel, esey ta nifica cu e bestia a worde mata na abattoir y ta gekeurd pa bay den handel. Esey mester bira un concientisacion pa tur carniceria y restaurantnan cu ta tuma carni for di criadornan local.

Libiee no ta sinti cu tin un oido pa criadornan na Aruba. E mes den pasado a perde hopi bestia, cu cacho. Al fin y al cabo, e no a saca nada di dje. A hiba un perdida. A yega un momento si cu tin cu cuminsa haci algo. Bo ta haya cu Santa Rosa ta encurasha pa cria bestia, pero mester busca un proteccion tambe.

- Advertisement -

DUNA COMENTARIO

Please enter your comment!
Please enter your name here