Home Economia IMF tambe kier yuda pa Aruba haya reforma fiscal

IMF tambe kier yuda pa Aruba haya reforma fiscal

59
0
SHARE
- Advertisement -

ORANJESTAD(AAN): E cambio di ley cu aumento di 6% di diferente impuesto ta drenta na vigor na cuminsamento di 1 Juli. Esey ta nifica cu dia 15 di Augustus ta delaster dia cu por haci aangifte y paga riba luna di Juli. E cambio ta tuma luga entrante 1 di Juli, pero e luna di Juli y pago corespondiente di BBO, BAZV y Belasting Aditionele Voorzieningen mester ta paga, segun directora di Departamento di Impuesto, Luenne Pieters.

Cambionan haci:

Por a yega di tende gobierno di simplifica belasting. E kier a trece cambionan y tin un tempo ta bezig cun’e. Pieters a splica cu pa varios aña tabata tin papia pa simplifica e sistema di belasting. A purba diferente biaha. Tabata tin diferente pais cu a introduci sistemanan cu ta diferente. Por ehempel nos conoce un sistema di BBO cu ta acumulativo.

Na Hulanda conoce un sistema di BTW. Tin diferente raport di IMF cu tin cu bay den direccion di un BTW pero semper mester por studia e haalbaarheid di un cambio di bo leynan vigente. Tambe mester por mira interno si e aparato gubernamental, den e caso aki, Departamento di Impuesto por acapara un cambio grandi di un sistema. Sistema di BTW conoce un aftrek voor voorbelasting. Manera si bay studia e ley, por mira cu e cliente no necesariamente ta paga loke e tin cu paga na impuesto. E por claim back na Belastingdienst loke el a paga den eerste schakel. Esey ta trece cun’e un extra control di banda di Departamento di Impuesto. Mester ta hopi mas miho acapara pa controla esaki bon, pasobra e ta fraude gevoelig. Na Hulanda tabata tin diferente caso di fraude cu e sistema aki di BTW.

Tambe a traha riba concepto di ley, caminda cu a elimina e BBO y bin cu un sistema di heffing bij de grens, e ABB. Esey tambe ta un otro tipo di sistematica caminda e ora ey Douane lo bay tuma over ora ta voer in un producto. Eynan bo ta bisa cu e impuesto ta worde paga y afgedragen. Pa servicio tin un otro tarifa. Servicio bo no ta importa un kopi, un schoter, un auto, ta fisicamente bo ta waknan y ta worde importa y eynan impuesto ta worde paga. Ora ta duna un servicio tin un otro sistematica pa cobra.

Tambe e intension pa bay traha den un grupo di trabao y cu IMF tambe a duna su disponibilidad di yuda pensa con ta e miho manera pa tin un reforma fiscal y nos leynan ta leynan anticua y tin biaha complica. Si bo wak’e di cerca, tin un tarifa di inkomstenbelasting mas halto di mundo, 50.4% ta un tarifa hopi halto. Naturalmente no ta yega den e tarifa ey den un solo biaha. Si bo tin un entrada di 300 mil Florin pa aña, bo ta den e toptarief di Inkomstenbelasting pero lo por simplifik’e. E ta 16 schijven en total. Si por reduci’e na 3 schijven, tin hende ta papia di un flattax pa inkomstenbelasting, pero e ora ta cambia full e sistematica, pasobra awo e ta basa basta riba dragvlak. E schoudernan mas hancho ta esun cu ta carga mas impuesto, mas entrada mas belasting, menos entrada menos belasting. Si bin cu un flattax, e ora ta stap completamente for di e sistematica cu nos conoce awo. Ta cosnan cu mester por pensa riba dje. Wak e impacto naturalmente riba presupuesto, pasobra ta algo cuta hunga un rol. Mester por keda cumpli cu e normanan stipula. Pero ta sigur desaroyonan hopi interesante pa fiscalistanan pa por sigui esakinan di cerca y duna aporte y mira con por haci’e hopi mas simpel. No solamente pa e departamentonan tambe pa ehecut’e. Den e caso aki Belastingdienst. Pero tambe pa controla y raporta un sistema di belasting hopi mas facil. E ta bira menos complica pa e cliente y menos complica pa e departamento cu tin cu ehecuta e leynan.

- Advertisement -

DUNA COMENTARIO

Please enter your comment!
Please enter your name here