Home Comercio Indice di Prijs durante Mei 2018 a conoce subida di 0.3%

Indice di Prijs durante Mei 2018 a conoce subida di 0.3%

36
0
SHARE
- Advertisement -

ORANJESTAD (AAN): Segun Oficina Central di Estadistica, e CPI pa luna di Mei 2018 ta 119.85, loke ta representa un subida di 0.3% compara cu e indice di April 2018 (119.48) y acumulando un subida di 1.9% te cu na Mei di e aña aki.

E cambio di e CPI pa e ultimo diesdos (12) lunanan (Mei 2017 te cu Mei 2018) ta 2.5%, un subida di 2.6 ppt compara cu e periodo corespondiente di aña pasa (-0.1%).

E promedio anual di e tasa di inflacion pa e periodo di Mei 2017 te cu Mei 2018 ta 0.5%, un subida di 0.9 ppt compara cu e -0.4% registra den e periodo di Mei 2016 te cu Mei 2017.

Durante e luna aki, shete (7) di e diesdos (12) sectornan a registra subida di prijs. E subidanan cu tabata tin e mayor efecto riba e CPI a worde registra pa e sectornan di “Transporte” (1.2%) y “Cuminda y bebida no-alcoholico” (0.3%), causando un efecto di 0.21 y 0.04 ppt, respectivamente. E subidanan den e restante sectornan a contribui cu un efecto di 0.08 ppt riba e CPI di Mei 2018.

E subidanan aki a worde contraresta parcialmente door di principalmente un caida den e indice di e sector di “Paña y sapato” (-0.3%), cu a contribui cu un efecto di -0.01 ppt riba e CPI di Mei 2018. E caida den e sectornan restante a contribui cu un efecto insignificante riba e CPI di Mei 2018.

E subida den e sector di “Transporte” a worde causa door di subida di 2.3% den e categoria “Gasto relaciona cu uso di vehiculo di transporte personal”, causando un efecto di 0.21 ppt. E subida den e sector di “Cuminda y bebida no-alcoholico” a worde causa principalmente door di un subida den e categoria “Cuminda” (0.3%), causando un efecto di 0.04 ppt.

E caida den e sector di “Paña y sapato” a worde causa door di caida den e categorianan “Zapato” (-1.6%) y “Paña” (-0.1%), causando un efecto di -0.01 ppt cada uno.

E canasta di consumo di e CPI ta consisti di 452 bienes y servicionan. Compara cu April 2018, 33.2% di e bienes y servicionan aki a conoce un aumento di prijs causando un efecto di 0.62 ppt, mientras cu 27.9% ta mustra un caida di prijs, cu a contribui cu efecto di -0.31 ppt y pa e restante 38.9% no tabata tin cambio den prijs. Prijsnan di bienes a subi cu 0.3% na Mei 2018 y a causa un efecto di 0.22 ppt riba e CPI di Mei 2018. Prijsnan di servicionan a conoce un subida di 0.2% y a causa un efecto di 0.09 ppt.

E CPIC (core inflation) – CPI excluyendo e efecto di energia y cuminda – a registra na Mei 2018 un subida di 0.7%, esaki ta mescos cu e periodo corespondiente di aña pasa (0.7%). E indice di energia – cu ta consisti di e productonan: electricidad, awa, gasolin y diesel a registra un caida di 1.8%, cu ta 3.4 ppt mas halto compara cu e periodo corespondiente di aña pasa (-5.2%). E indice di cuminda a registra un subida di 2.7%, cu ta 2.1 ppt mas halto compara cu e periodo corespondiente di aña pasa (0.6%).

E bestaansminimum pa un hogar consistiendo di dos (2) adulto y dos (2) mucha (edad 0-14 aña) na Mei 2018 ta Afl. 4,457, mientras cu pa un hogar di un (1) adulto e suma ta Afl. 2,122.

- Advertisement -

DUNA COMENTARIO

Please enter your comment!
Please enter your name here