Home Salud Informacion di specialistanan obtenibel riba website di ASHA

Informacion di specialistanan obtenibel riba website di ASHA

19
0
SHARE
- Advertisement -

Despues di a traha 1 aña pa keda cla

ORANJESTAD (AAN): E Asociacion di Specialistanan di Hospital di Aruba (ASHA) a lansa su website, unda a presenta esaki na e miembronan y directiva di Dr. Horacio E. Oduber Hospital. A funda ASHA na aña 2005, un asociacion di personal medico. Tur presente a keda encanta cu e presentacion di e website nobo, unda a duna feedback positivo con esaki ta hinca den otro.

E asociacion ta percura p’e interes di e specialistanan, unda cu nan ta uni e specialistanan y ta percura pa mehora e calidad di cuido. Alexander van Straten, Radioloog y alavez Presidente di ASHA, a duna di conoce cu nan ta comunica cu e miembronan via e-mail, facebook of via ‘shared folders’. Pero aña pasa nan a pensa pa tin nan mesun website, unda cu ASHA por tin descripcion general di tur nan actividad, notanan di reunionnan. Awo e website ta cla y e directiva di ASHA ta orguyoso di esaki.

Aña pasa cu ASHA a dicidi di bin cu un website y den e ultimo lunanan dr. Wicha Ponson-Wever, Kinderarts y creador di e website, hunto cu JZ Marketing pa finalisa e website cu awo ta cla. Dr. Ponson-Wever ta contento cu e feedbacknan ricibi, pasobra e reaccion tabata hopi positivo y e directiva di hospital ta hopi positivo di e website. E importante di e website ta cu esaki ta un manera pa presenta specialistanan di Aruba pa publico.

Esaki ta bin pa motibo cu publico na sa hopi di specialistanan cu ta traha na Aruba. Nan no sa ken e specialistanan ta, kico ta nan background, con nan ta traha cu otro y kico nan ta haci exactamente. Esaki ta loke ASHA kier a presenta na e pueblo di Aruba, asina dr. Ponson-Wever a duna di conoce. E website presenta tin hopi informacion p’e pueblo di Aruba.

Dr. Ponson-Wever a sigui duna di conoce cu tin cierto seccion di e website priva y esaki ta solamente p’e miembronan, tambe por haya hopi informacion p’e publico di Aruba. Un otro meta cu ASHA tabatin ta pa haya contacto cu dokternan y studiantenan den exterior, por ehempel na Hulanda of otro pais, y cu ta desea di bin back Aruba pa yuda e staf medico di hospital. E website cu tur hende por subi pa haya mas informacion ta www.ashaaruba.org.

- Advertisement -

DUNA COMENTARIO

Please enter your comment!
Please enter your name here